کوئٹہ پریس کلب نا گچین کاریک، عبدالخالق رند صدر، بنارس خان جنرل سیکرٹری

کوئٹہ پریس کلب نا گچین کاریک پروگریسو پینل و جرنلسٹ پینل نا نیام ٹی مسر۔ گچین کاری تیٹی جرنلسٹ پینل نا عبدالخالق رند صدر و اندا پینل نا بنارس خان جنرل سیکرٹری گچین مسر۔

مونی احوال آتا ردئٹ اینو کوئٹہ پریس کلب ٹی کوئٹہ پریس کلب نا مونی ارا سال کن گچین کاریک اڈ تننگار۔ دا گچین کاری تیٹی پروگریسو پینل و جرنلسٹ پینل بشخ ہلکسر۔

جرنلسٹ پینل نا عبدالخالق رند 90 ووٹ السٹ صدر گچین مس اونا مون ئٹ پروگریسو پینل نا شاہ حسین ترین 31 ووٹ ہلک۔

سینئر نائب صدر کن جرنلسٹ پینل نا افضل مغل 78 ووٹ ہلک اونا مون ئٹ پروگریسو پینل نا محمد خالد گجر 42 ووٹ ہلک۔ نائب صدر کن جرنلسٹ پینل نا اعظم الفت 78 ووٹ ہلک، پروگریسو پینل نا یاسر خان 40 ووٹ ہلک۔

اندن جنرل سیکرٹری کن جرنلسٹ پینل نا بنارس خان 80 ووٹ اونا مون ئٹ پروگریسو پینل نا خیر محمد بلوچ 38 ووٹ الک۔ سینئر جوائنٹ سیکرٹری کن عبداللہ زہری بیدس مون تس گچین مس، جوائنٹ سیکرٹری کن جرنلسٹ پینل نا بلال اعوان 86 ووٹ ہلک، پروگریسو پینل نا ظاہر خان ناصر 32 ووٹ ہلک۔

فنانس سیکرٹری کن جرنلسٹ پینل نا نورالعارفین 81 ووٹ ہلک، پروگریسو پینل نا شبیر لودھی 40 ووٹ ہلک۔ اندن مجلس عاملہ نا باسک آکن حاکم علی، اے کیلوان، سید علی شاہ، محمد غضنفر، امین اللہ مینگل، ابرار احمد، آصف بلوچ و محمد اکرم گچین مسر۔