رسینگوک حوال تا رد ئٹ 24 گھنٹہ نا نیام ئٹی تیوی پاکستان ئٹ کورونا وائرس آن78 بندغ مرگ نا گواچی مسونو، ہراڑان گڈ کہوک آتا کچ 14 ہزار 434 مسونے، پاکستان ٹی کورونا نا پک مروکا کیس آتا کچ 6 لکھ 67 ہزار 957 مسونے۔
نیشنل کمانڈ اینڈ آپریشن سینٹر نا پوسکن آ حساب نا رد ئٹ تدوکا 24 گھنٹہ نا نیام ئٹی 4 ہزار 757 پوسکنو کیسز رپورٹ مسونو، پنجاب ٹی 2 لکھ 20 ہزار 392، سندھ ئٹی 2 لاکھ 65 ہزار 443، اندن خیبر پختونخوا ٹی 87 ہزار 55کیس رپورٹ مسونو۔
اندن بلوچستان ئٹ 19 ہزار 557، گلگت بلتستان ٹی 5 ہزار 24، اسلام آباد ٹی 57 ہزار 833 اندن پاکستانی بست و بندی کشمیر ٹی 12 ہزار 663 کیسز رپورٹ مسونو۔
ایلو پارہ غان بھارت ٹی تدوکا 24 گھنٹہ نا نیام ئٹی کورونا آن 54 ہزار پوسکنو کیسز و 354 بندغ مرگ نا گواچی مسونو۔
گیشتر حوال تا رد ئٹ بھارت ٹی کورونا آن حالیت دے پہ دے بد مریسہ ءِ، تدوکا بیست و چار گھنٹہ نا نیام ئٹی 54 ہزار پوسکنو کیسز مونا بسونو و 354 بند مرگ نا گواچی مسونو، ہرا برجاء سال ئٹی اسہ دے ئنا داسکان ریکارڈ نا کچ ءِ۔
بھارت ٹی حکومت منانے کہ کورونا وائرس نا ایلو لڑ ئنا نیام ئٹی حالیت دے پہ دے بد مریسہ ءِ، پوسکن آ کیس آتا کچ اٹ اسہ وار واپس ترندی ئٹ ودکی مننگ ءِ، اندن جوڑ مروکا ناجوڑ تا کچ ئٹی کمی مننگ ءِ۔