زمیندار ایکشن نا پارہ غان بجلی نا تفرنگ نا برخلاف بلوچستان نا جتا جتا ہند آتے روڈ آتے بند کریسہ برانزی مچی برجاء ءِ۔
کوئٹہ چمن روڈ ءِ یارو نا ہند آ، کراچی کوئٹہ روڈ ءِ لکپاس نا ہند آ، پنجاب روڈ ءِ کولپور نا ہند آ بند کریسہ برانزی مچی کننگ ءُ۔
دا برانزی مچی آ زمیندار ایکشن کمیٹی نا راہشون آک ہیت کریسہ پاریر کہ کیسکو نا پارہ غان زیات علاقہ آتیٹ 22 گھنٹہ لوڈشیڈنگ مریک بھاز علاقہ آتے 20 گھنٹہ لوڈشیڈنگ مریک، ہرانا سوب آن زمیندار آتا فصل آک دے پہ دے بُھس مننگو ولے واپڈا بجلی نا بل آتے سال پہ سال زیات کننگے اوکان ابید ام بلوچستان نا زمیندار آتے بجلی تننگ مفک۔
او مونی پاریر تا امو وخت اسکان ننا دا برانزی مچی برجاء ءِ ہرا وخت اسکان واپڈا نا پارہ غان ننے پورو بجلی تننگ مفک۔
یاتی مرے ہرا وختا کہ بلوچستان ٹی بجلی و زمیندار آتا ویل آتا زی آ ہیت گپ مس گڑا بلوچستان حکومت نا پاننگ اس کہ دا وختا 5 ارب کیسکو نا وام آکو حکومت بلوچستان زمیندار آتے سبسڈی تریسہ زوت آن زوت دا وام آتے خلاص کیک اوکان پدا بجلی نا ویل ایسر مریک۔
سرکاری ملازمین کے بعد زمیندار ایکشن کمیٹی کی جانب سے #بلوچستان میں تمام مرکزی شاہراہیں بند۔۔۔ زمیندار لوڈشیڈنگ کے خلاف احتجاج کررہے ہیں ۔۔۔ بلوچستان کا ملک کے دیگر شہروں کے ساتھ رابطہ منقطع pic.twitter.com/oGCHGaf660
— Saeed Dashti (@Dashti_saeed1) April 1, 2021
اندن ایلو پارہ غان غٹ محکمہ غاتا سرکاری نوکر آک اینو چارمیکو دے ام برانز کننگ ءُ۔ گرینڈ الائنس نا کنوینئر عبدالماک پڑو کرینے کہ اینو بلوچستان نا غٹ شار آتیٹی دفتر آتے تالہ کننگ مریک اینو اسے ام شار اسیٹی ہچو سرکاری نوکر اس تینا دفتر آتئے ہنپرو کاریم کپرو ءِ۔
یاتی مرے بلوچستان حکومت نا پارہ غان ملازم آتا پگار ٹی ودکی نا حوالہ ٹی ہرا کمیٹی جوڑ کننگاسس او کمیٹی تینا میٹنگ کریسہ تینا سفارشات آتے وزیر اعلیٰ بلوچستان جام کمال خان ءِ راہی کرینے۔