بلوچستان، جتا تدینی تیٹ 4 بندغ بیران، و 14 ٹپی

بلوچستان نا علاقہ دکی و ڈیرہ بگٹی ٹی جتا ویل آتا سوب آن 4 بندغ بیران و 14 بندغ ٹپی مسونو.

حوال تا رد ئٹ اسہ روڈ شکست اسیٹی زالبول تون اوار مسہ بندغ بیران و 14 ٹپی مسر۔ کوئٹہ آن دکی کن ہنوک آ ویگن گاڑی نا کوچ ونی نا ہند آ شکست نا گواچی مس ہراڑان اسہ زالبول اسیتون اوار مسہ بندغ بیران و 14 بھاز ٹپی مسر۔

گیشتر حوال تا رد ئٹ، اینو پیشیم نا کوئٹہ آن دکی کن ہنوک آ ویگن گاڑی نا، کوچ ونی نا ہند آ شکست اس مونا بس و ویگن شیف تما ہرانا سوب آن زالبول آتون اوار پنچ بیران اندن چاردہ بندغ بھاز ٹپی مسر ہرافتیٹ چنا ھم اوار ءُ و ہفت بندغ نا حالیت بھاز نازرک پاننگک۔ سنجاوی نا سیول ہسپتال ئٹ بنائی دوا درمان آن گڈ تیوہ ٹپیک کوئٹہ کن دننگار.

اندن اسہ پین تدینی اسیٹی ڈیرہ بگٹی ٹی نادرست بندغ آتا سم کاری آن اسہ بندغ اس مرک نا گواچی مس-

لیویز نا رد ئٹ دو شنبے نا دے ڈیرہ بگٹی نا علاقہ ٹی مٹ موندرانی نا علاقہ ٹی نادرست بندغ آتا سم کاری آن وڈیرہ نور حسن بگٹی پنی ءُ بندغ اس  بیران مس۔

لیویز جوْن ءِ دوئی کریسہ اسپتال آ سر کرے ہراڑے المی کاروائی آن گڈ جوْن خاہوت آتا دوٹی تننگا ۔ دا تدینی قبائلی دژمنی تا سوب آن مونا بس، و پین کاروائی برجاء ءِ۔