سوراب ئٹ تارکی ڈیم ئٹ کوڈ، ڈیم نا پننگ آن جانی و مالی نسخان نا خُلیس

سوراب ئٹ تارکی ڈیم آ قومی خزانہ آن کروڑ آتا رپئیک خرچ مسر ولے ڈیم نا گواچنی اولی پر آن خننگا، دا ڈیم ئنا مونا سوراب نا کئی شار آک بریرہ، ڈیم نا تیوہ پننگ آن بندغ آتا کہنگ تون اوار مالی نسخان آک توننگپرور۔

مخلوق نا پاننگے کہ علاقہ نا گھمبولہ ڈیم ہرا گدر نا علاقہ چھڈ ئٹی جوڑ مریسہ ءِ، ہرانا تعمیر بھاز نزور ءُ وڑ اس اختیار کرینے، انجینئرنگ نا اصول تیان تیوہ چھپ ڈمپنگ و اندن جوڑ کننگ نا وخت آفیسر تا بے پامداری مفرنگ تون برابر ئس- نزور کاریم تا نشان تننگ آن بیدس کس اس پام تننگ کن تیار الو، گوڑیفوک دا ہیت دادے کہ بھلا آفیسر آک ھم دا برجاء آ منصوبہ تا دورہ و اوفتون تعلقدار آ بریفنگ ہر گڑا ءِ خف توننگ نا ہد اسکان ہلیرہ، وختس تینا وڑ ئٹ جاچ ہلنگ نا خواری ءِ کس اس کتنے۔ اگہ وختس گواچنی وڑئٹ اوفتا معیاری نا پٹ و پول مرے گڑا ہر گڑا جوان مننگ نا دعویٰ آتیان پردہ مُر مریک۔