حوال تا رد ئٹ کوئٹہ کراچی بھلا روڈ آ کڈ کوچہ نا علاقہ ٹی ترند ہننگ نا سوب آن گاڑی کلٹی مسونے ہرانا سوب آن مسہ بندغ مرگ نا گواچی و اسٹ ٹپی مسونے،لیویز نارد ئٹ کوئٹہ کراچی بھلا روڈ کھڈ کوچہ نا علاقہ لیوز تھانہ ( تحصیل )کھڈ کوچہ نا خڑک کوئٹہ آن خضدار آ ہنوک ترند ٹوڈی گاڑی کلٹی مسونے۔
ویل ئٹی پولیس کارندہ کھڑدی کرخ خضدار آن تعلقدار اللہ رکیہ نا مار محمد خان، خضدار آن تعلقدار پیر محمد نا مار جاوید اختر خضدار نصیر آحمد خضدار آن تعلقدار ہند آ ساہ تسونو، اندن خضدار آن تعلقدار در محمد نا مار نائب رسالدار محمد عرس ٹپی مسونے، ویل آن گڈ جونک و ٹپی آ دمدستی وڑ ئٹ ہسپتال آ سر کننگانو پین کاروائی برجاہ ء۔
اندن پین حوال ئسے نا رد ئٹ رسینگوک حوال تا رد ئٹ چاغی ٹی نادرست سلاء بند بندغ آتا سلاء تا زور آ ملازیم آتا تنخواہ تے زورٹ پلیسہ نرانو، چاغی اسلامی اسکول نا خڑک نادرست دز آک سلاء نا زور آ بالو اسماعیل و ماسٹر رحیم شاہ آن 10 ملازیم تا تنخواہ 502500 رپئی پلیسہ نرانو۔
چاغی بند و بست ء حوال رسینگتون ہند آ سر مس پین سر و سوج چاغی بند و بست کننگ اندن زیمی ملازیم ڈی سی چاغی آغا شیر زمان درانی ، اسٹنٹ کمشنر چاغی محمد جاوید ڈوگی، تحصیلدار پائی جاوید آمد کرد آن خواست کرینو کہ زوت دز آتے دزگیر کیر۔