و او عشق ئنا گڈیکو سیم آن ایمون مریک
نوشت: ریاست خان بلوچ | مٹ: سمعیہ بلوچ
دی بلوچستان پوسٹ
گوادر ٹی اگست نا تو ئنا مُد دیخہ در زیات دوست بریک، شام ئنا وخت شمال آن بروک آ تازہ آ تہو، بحر بلوچ نا نمبی مچ کریسہ ہرا وخت بندغ نا بدن تون ڈک لگیک گڑا تر و تازئی نا اسہ جتا ءُ احساس اس تیک۔ او تازہ آ تہو تے تینا سینہ ٹی کش کریسہ اسہ 21 سال ئنا ورنا اس مون ءُ شال اس بنیسہ بلوچ وارڈ آ جوڑ مروک آ اسہ پوسکنو روڈ ئسے نا اسہ کنڈا ساڑی مِش ئنا اسہ چنکا بٹ ئسے آ بے آرام، خوشی، و باوری نا اوار آ جوزہ آتیتون توسوسس، اونا پژہ آک قطبی آن بروک سمندری تہو تا رحم و کرم آ بال کریسہ مریرا، اونا خڑک گڑاس مچی ہلوک ورناک اسہ کشتی ٹی تولوک مسخرا و چس تون سمندر ٹی شکار نا وخت آ مُست ئنا کسہ آتا ہیت کریسہ مریرا۔ اوڑتون اوار ساڑی خالی زمین آ منہ چنا فٹبال کننگ ئٹی گٹ مریرا، مون پا ساڑی کسر آ کس داخس اف ولے داڑان گدرینگوک آ گاڑی تا ٹیر تینا بش مروک آ مش تہو ءِ لُوڑی و خراب کروک مریک، مِش ئنا بٹ آ تولوک ہمو بیست و یک سال ئنا مار تینا داپار ایپار نا ہر گڑا آ پامداری تون خوڑت اریسہ مریک۔ اونا خفتیٹ بے روزگاری، دیر و بجلی نا تفرینگ نا بر خلاف برانز کروک آ سد شاریک اسہ توار اس بڑز کریسہ نعرہ آتا توار ہم بریسہ کیک۔
خڑک کشتی آ تولوک ورناک، فٹبال گوازی کروکا چناک و کسری ہنوک آتا نظر آک ہرا وخت اوڑا تمار اوفک اونا اوڑے ساڑی مننگ آ ہچ ءُ پر اسراریت اس پوہ مننگ کپسا ولے او 21 سال ئنا ورنا ہمو تیوہ آتا پاش وڑئٹ ہڑدے ئی کاریم و حرکت آتا پد ئٹ ڈھکوک غیر معمولی احساس آتے پوہ مننگ کیک، او ہرا وخت اوفتا کنڈا اوریک گڑا اوفتا مخینگ نا پد ئٹ ساڑی غیر یخینی نا احساس ءِ سرپد مننگ کیک، او گوازی کروک چنا تا تہٹی ساڑی اسہ خلیس ئسے پوہ مننگ کیک، ربیدگی بلوچی پچ و تینا گد آتیٹ تینا مون ءِ ڈھکوک کسری زالبول آک ہم ہرا وخت اونا رہی آن گدرینگرہ گڑا او اوفتا لس آ تاثر آتیٹ ساڑی بے وسی ءِ ہم پوہ مننگ کیک، گویا دا تیوہ آتے سماہ مرے کہ دافتا بروکا وخت ءِ خراب کننگ، اوفتا مراد آتا گٹو کننگ، اوفتا شار و اوفتے مش آن زوراکی ئٹ اوفتا تعلق ءِ پرغینگ کن بروکا وخت آتیٹ اسہ بھلو طاغت اس وارڈ ئٹی تولوک ءِ و ہراڑان بچنگ نا ہچ ءُ کسر اف، ہرانا مونہ تیوہ آک بے وس مرور۔
مِش ئنا بٹ آ تولوک دا ورنا سہب ئنا ئسے شار ئنا اسہ تنک گلی اسیٹ ساڑی تینا ڈھکوک جاگہ آ تینا فوجی زند ئنا ایسری مشن نا تیاری ٹی گٹ مسونے، او مشن نا وخت آ کاریم ٹی بروک گڑا تا چمشانک ہلیسہ کرینے، ایکسپلوزو آن ہلیس دادے ڈیٹونیٹ کننگ نا تیوہ آ ازباب، اونا سہی فٹننگ اسکان او ہر گڑا نا چمشانک ہلیسہ کرینے تاکن ہرا وخت آ تینا مسخت نا کنڈا مونی مرے اوفتے ٹک کے گڑا اسہ ہم سوب ئسے آن بے سہب مف، داڑان مست شاید او دا جاگہ آ ہنوک مرے ہراڑے توسنے، و ہراڑے اودے تینا زند ئنا ایسری فوجی مشن ءِ کروئی ءِ، اوننگ کن ہنوک مرے۔
او و سہب ئنا ئسے بھاز بے صبری تون شام مننگ نا ودار ئٹ اس، و ہرا وخت اودے تینا ڈھکوک جاگہ آن پیش تمنگ و ٹارگٹ نا جاگہ اسکان سر مننگ نا موکل رسینگا گڑا او فخر باور و خوشی نا ملوک آ جوزہ آن پُر بارودی مواد آن پُر جیکٹ ءِ بینک و تینا بدن آ مرغنو شال اس شاہسہ تینا زند ئنا ایسری سفر آ پیش تمیک۔ دا بیست و چار سال ئنا ورنا نوجوان سوگو حوصلہ، سخت ارادہ و گچین بہادری نا خواجہ سنگت سربلند مریک۔
سنگت سربلند دنکہ ذہنی حساس نا خواجئی بندغ مریرا، اندا سوب آن او ہوش کننگ تون تینا وطن آ تہو تیٹ غلامی نا گند کشیرا، او تینا داپار ایپپار نا بندغ آتے پین وڑ ءُ ساہ بند مننگ نا گواچی خنیک، او ہر کنڈا غیر یخینی، خلیس خنیک۔ اندا پارہ کہ بندغ نا کڑدار نا ٹہیفنگ ٹی اونا پن ئنا بھلو اثر اس مریک، مننگ کیک کہ دا ہیت ئٹی ہچ ءُ گواچنی اس مف سنگت سربلند نا معاملہ ٹی پن و کڑدار ٹی ملینگ ہم ساڑی مسونے، سما اف انت سوچ اسیتون اونا پن ءِ سربلند تخنگانے ولے اوٹی لائخ الّمی مس کہ تینا کڑدار ءِ تینا پن ئنا رد ئٹ شاغینگ کہ۔
کم عمری آن ہر وخت اونا حساب دا اقلیت ٹی مریسہ کرے ہرانا ہچ وخت تینا کاٹم ءِ خلیس آن شیف کتو، لغوری، بے وسی، اِر بشی و خلیس آ مُر سربلند نا کاٹم ہر وخت بڑز مس۔ اونا سفر بھاز سخت گدرینگانے، ہزار آ سختیک و ڈکھ آتیان گرینگسہ او داڑسکان سر مسوسس۔ اونا خلکو و نازرک نت آک وطن نا پتی آ کسر تیان سفر کریسہ ٹپ ہم خنانو، اونا زیبا آ مون برفی آ مُد آتیٹ یخ انگا تہو تیٹ گلابی ہم مسونو، او بھاز یخ انگا شام تیٹ وطن نا برفی مش تا بٹ آتیا اسہ شال اس بینسہ ہم خاچانے، باسن آ نیمروچ آتیٹ دے ئنا باسنی ءِ سگیسہ، خید اٹ اسٹ تیوہ آ دے پند ہم خلیسہ کرینے ولے اونا سینہ ٹی ہشنگوک آجوئی نا زراب آتے یخ کننگ کن دا تیوہ آک بس ہلوس۔
پدا اسے دے ننا سربلند نا اوڑدئی ننا عہد ئنا ابراھیم “اَسلم” تون مریک، دا اوڑدئی اونا زند ئنا خاص انگا ساعت مریک، ہمو دے آن گڈ اودے تینا وطن نا عشق ءِ انتہا اسکان سر مننگ نا کسر رسینگیک۔
او تدوکا مسہ سال ئنا صبر و ودار آن گڈ دا شار ءِ عشق و انقلاب نا دتر وفا تننگ کن سر مسونے۔
ہمو وخت کہ ہرا وخت سر بلند بلوچ وارڈ ٹی روڈ ئنا کنڈا مش ئنا بٹ آ تولوک ءِ و قطبی آن سمندر نا نمبی مچ کریسہ تازہ آ تہو اونا بدن تون ڈک لگیسہ کرینے گڑا گویا اندن احساس مریک کہ تہو اوڑتون ہیت کننگ ئٹی مرے، اندن پابو کہ تہو اودے تینا کننگ ئٹی مرے، اودے تینا رد ئٹ پاننگ ئٹی مرے، اودے اندن محسوس مریک کہ تہو توار توار ئٹ اوڑتون ہیت کریسہ مرے کہ ننے ٹی بحر بلوچ نا نمبی تون اوار غلامی نا گند ہم ساڑی ءِ ہرادے نی تینا دتر نا گند ئٹ ایسر کننگ کن صد میل نا فاصلہ ءِ ایسر کریسہ داڑسکان سرمسونس۔
سر بلند تینا کاٹم ءِ بڑز کریسہ ہرا وخت شار ئنا کنڈا اوریک گڑا محسوس کیک کہ کس پاو کہ دا شار سماہ اف ہرا وخت ئنا ئسے داڑن کن ودار کریسہ کرینے، کس پائے کہ دا شار ءِ اول آن دانا بننگ نا سماہ تمانے و اندن کہ کہی وخت آتیان گڈ اسہ لمہ اس تینا بروک آ اولاد ءِ خمب ئٹی نے آرام مرے اندن دا شار ہم دادے تینا خمب ئٹی کننگ کن بے آرام ءِ، سربلند نا خفتیٹ تولوک برانز شار نا ملاس انگا تا اسہ توار اس مریسہ بڑز کروک نعرہ آک ہرا وخت سر مریرا گڑا اودے محسوس مریک کہ اندن کہ دا توار آک شاری تا نہ بلکن تینٹ اونا شار ئنا ءُ ہرا تینا مار ءِ توار کریسہ تینا تبائی و ایسری نا داستان ءِ پاننگ ئٹی مرے۔
سربلند نا کاٹم بلند مریک و او شار ئنا کنڈا اوننگ مریک کہ او تینا مسخت ءِ خننگ مریک، او بھاز ترندی تون اوار تینا مسخت نا کنڈا رمب کیک و مشئی آ بانز ئنا وڑ جہلو کیک ہراڑتون اوار تیوہ آ شار لڑزک، ہمو جاگہ آ آسمان مونو چادر اس بینک، بیست و یک سال ئنا سربلند نا بدن اونا ہر اسہ ٹکر جتا مریک و گوادر نا مش ہمو ٹکر تے چوشیسہ سربلند ءِ تینا خمب ئٹ ہلیک۔ ہراڑتون اوار دا بیست و یک سال ئنا ورنا نا مرغنا ودار ایسر مریک، و او عشق ئنا گڈیکو سیم آن ایمون مریک۔
داسا اندن کہ سربلند نا ہم خیال اس دا شار دڑد مند آتا ہنو دانا ساحل آتا تولو، و ہرا وخت قطبی آن بروک تہوک اونا خفتا ران توار توار کریسہ گدرینگو گڑا دا توار توار آتیٹ اوار سربلند آ مخینگ المی پوہ مننگ کرو۔
گو کہ بحر بلوچ داسا ہم آجو اف، داسا ہم اونا تہو تیٹ غلامی نا گند بچانے ولے داسا او تہو تیٹ غلامی نا گند ئتون سربلند نا پاک انگا دتر نا گند ءِ ہم گند کشینگ کرو۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔