اسے پین حسیبہ اس ساٸرہ نا دروشُم اٹ – سراج بلوچ | درویش بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

اسے پین حسیبہ اس ساٸرہ نا دروشُم اٹ

نوشت: سراج بلوچ | مٹ: درویش بلوچ

دی بلوچستان پوسٹ

ہیڑ ایلم نا سیالی بھاز اہم و بھاز زیباو رشتہ اس مریک، دا سیالی اسے اہم ءُ رشتہ ٸسے ہرانا کہ ہچو بہا اس مفک ہراڑیسکا کہ بھلا ایلم ءِ اودے باوہ نا درجہ تننگانے۔ دا رشتہ نا وجود انسان نا ودی مننگ تون اوڑدہ مریک و دا رشتہ انسان نا ساہ تون اوار سوگٙوْ مریک دا رشتہ تون اوارنگا احساس و جوزہ غاتے نن ہڑدے تینا زند ٸٹی خنیسہ برینہ۔

ولے اسے بے بخت ءُ بد بخت ءُ ہیڑ اسیکن دا ریاست جاتو ٸسے آن کم اف ہراکہ دا اسے ہیڑ ٸسے نا ارمان، ڈکھ ،دڑد ٸتو اوار سلوکا مہر مابت تخوکا ایلم ءِ دیک بے گوا کیک ۔

او جاتو ٸسے ہرا ہیڑتیان تینا ایلم تے دیک کونیک و نن بدبخت آک ہم دا قیامت نا دڑدی آ ندارہ ءِ تینا خنتیٹ خنینہ۔ نن تو حسیبہ گودی ءِ ہم خنان و اونا تلوسہ خنتان خیسن دتر تفوکا خڑینکاتے ہم تینے آ خنان و داسا کہ حسیبہ گودی خنتان خڑینکاک چِوہ باریسر، اُونا ارمانک خوشی اٹ بدل مسور کہ اسے پین بدبخت ءُ ہیڑس حسیبہ نا وڑ ساٸرہ نا دروشم اٹ ننا مونا خنتے نم کریسہ بس ۔

ہراتم او اولیکو وار ہشت جون آ مسنگ پرسنز آ تا کیمپ آ سر مس تو نن خنان کہ او مظوم ہیڑ اُونا معصوم آ چہرہ غا  ڈکھ، دڑد، رنج آک تالان ٸسو ہراکہ بھاز آ پریشان ہال آ مخلوک نا نیام ئٹ دوٹی تینا بے گوا مروکا ایلم تا جنسار آتے ہرفوک ملاسنگا خنتان خڑینک شولیسہ ٸس۔

آصف ہرانا کہ او ہیڑ ءِ اُوڑتون تو اُونا دتر نا رشتہ ءِ ولے رشید اُونا کزن منّنگ تون اوار اوار ساٸرہ گودی نا پاننگ کہ اُو تو کنکن کنا ایلم مننگ آن ہم زیات ٸس و رشید تو کنا مُہبر ہم ٸس۔

اگہ نن ساٸرہ گودی نا گدرینوکا دے آ نگاہ شاغن تو ساٸرہ گودی اسے خوش مزاج و مخوکو ہیڑس ئسک تینا ایلم تیکن ساٸرہ اسے پری اس ئسک اوفتا ہر گٙل خوشی کُل ساٸرہ ئسک و ساٸرہ گودی ہم ساٸرہ ءِ کہ ہرا تینا ایلم تو اخہ در مہر ٸس تہ دا تو اسے مظلوم اءُ ہیڑ اس پُہہ مننگ کیک۔

ساٸرہ گودی تو اسے پُھل ٸسے نا دروشم ٸس ہرادے کہ تاغت تروکاک اونا ایلمک ئسر ولے کٸی سال آن اُودے تاغت بشخوکا دِے کہی ہلنگانے تو ساٸرہ ہم شمپینگانے، گیمُرینگانے۔

اُو ڈُکھ، رنج، دڑد اٹ تینا بے گوا مروکا ایلم تا یات اٹ خنتے نم کرینے ہوغسا ءِ۔ ساٸرہ نا خڑینکاک تو مٙشتا زی آن وہوکا آبشار تیان بار وہیرہ ہراکہ گمان اف کہ بس کرور وہیسہ کارہ۔ مشتا زی آن وہوکا دیر تو ہتم نا نشانی مریک ہراکہ انسان نا روح ءِ تازہ کیک ولے دا معصوم آ ہیڑ ٸنا خنتان وہوکا خڑینکاک کربلا نا ندارہ اس پیش کیرہ۔ جی آو کربلا نا میدان ہراکہ داسا بلوچستان ءِ۔

ساٸرہ تو اسے بہادر ءُ ہیڑ ئسے اونا نت تا شیف آ ڈغار اف کہ سلے ولے ساٸرہ تو پدا ہم ہمت اُمیت ءِ تورینے کہ تینا نت آ سلوک ءِ۔اونا تینا اُراٹی پیر انگا لمّہ باوہ ءِ حوصلہ بشخوکا راہشون ءِ۔

جی ہو راہشون ہراکہ روایتی چاگڑد ئسے آن تعلقداری تخک اوڑان بیدس او تینا لمہ باوہ او ایلو سیال آتے دا ہیت آ باور کرفینے کہ اُو چُپ تولوکاتیان اف او تو تینا ایلم تے ہراکا مرے آسمان آن مرے یا زمین نا شیف آن ہتو۔

ساٸرہ تو ایلم ءِ زند بشخنگ نا پِنے، ساٸرہ و ساٸرہ گودی آن بارنگا بھاز آ مسنک تو خان آف قلات نا مسنک ءُ، خان قلات ہراکہ بانی پاکستان نا ہیڑ مادرے ملت فاطمہ جناح ءِ بلوچی رسم و رواج نا وڑٹ شرف بشخیسہ اودے خیسن و چاندی اٹ تول کیک۔

اینو بانی پاکستان محمد علی جناح نا منوکا و اونا رند ءِ ہلوکاتا دا فرض مفک  کہ او اینو ساٸرہ گودی آن بارنگا ہیڑ تا توروکا جھولی ءِ پُر کیر۔ پین ساٸرہ تو اوفتان واہ انت خواہیک؟ ساٸرہ پنچ آپ نا دیر آن خواہیک؟ یا ساٸرہ گودی سیندک، ریکوڈک، ایلو سوٸی آن گیس ٸنا زخیرہ خواہیک؟  ہرانا کہ او تینٹ مالک ءِ و نہ کہ ساٸرہ گوادر نا وہوکا خڑینکاتہ ہورِک ہراناکہ ساٸرہ ہمدرد ءِ

ساٸرہ تو تینا خوشی، تینا ایلم تے خواہک تینا اُرانا خوشی و کوپہ غاتے خواہک۔

انتئے دا ریاست اسے بلوچ ہیڑ ٸسے  کن داخس ہم کننگ نا تاغت تخپک؟ اگہ داخس ہم کننگ کپک تو دا راست ٸسے زُلم ٸسے و اد زُلم  ءِ خان  آف قلات تینا سنگت پاروکا قائد اعظم محمد علی جناح ءِ نشان ایتو ساٸرہ نا خنتا وہوکا خڑینکاک فاطمہ جناح ءِ ہم نشان ایتو کہ ای بے وس ئسوٹ تینا ڈغار آ۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

نن سر سہب مرون _ درناز رحیم

نن سر سہب مرون نوشت: درناز رحیم کنے اُرے تمنگ ئس، اینو کنا اکیڈمی نا اولیکو دے ئس و ای خواہتوٹہ...

ایران : مہسا امینی خون، پولیس و برانز کروک آتا جھڑپ آک، 50 بندغ مرگ نا گواچی

ایران ٹی حجاب وے کننگ آ دزگیر کروک مسڑ مہسا امینی نا خون آن گُڈ برجاء چک و تاڑ آتیٹ مرگ نا گواچی مروک آتا کچ 50 مس ۔  پولیس نا کریک ڈاؤن و بے دادی ٹی مرگ نا گواچی مروک آتا کچ 50 مس، مرگ نا گواچی مروک آتیٹ 5، سیکورٹی کارندہ ہم اوار ءِ۔  ہفت دے آن برجاء برانز آتا نیام ئٹ جتاء شار آتیٹ انٹرنیٹ کاریم بند ءِ و بے دادی آن زیات زیمی مروک علاقہ آتیٹ سیکورٹی کارندہ آتاکچ زیات کننگانے۔ ایران نا صدر ابراہیم رئیسی مہسا امینی نا خون نا سوب آتے چاننگ کِن پٹ و پول نا حکم تننگا ۔  ایرانی پولیس 22 سالہ مہسا امینی ءِ حجاب وے کننگ آ دزگیر کریسس و مُسہ دے آن گُڈ طبیعت نا خراب مننگ آ اسپتال آ دننگا ہراڑےاو 16 ستمبر آ مرگ نا گواچی مس، ایرانی پولیس مہسا امینی آ بے دادی کننگ نا دوبہ خلیسہ دعویٰ کریر کہ مہسا امینی ءِ اُست نادورہ مننگ نا سوب اسپتال آ دننگاسس ہراڑے او پدا جوان متو ۔  ایران پولیس نا دزگیری ٹی جتاء علاقہ آتیٹ برانز برجاء ءِ ہرانا وخت سیکیورٹی فورسز کارندہ آتا کریک ڈاؤن ٹی زیات بندغ مرگ ناگواچی مسونو ۔  ایلو پارہ غان بندغی حق آتا ادارہ ایرانی حکومت آ برانز نا برخلاف بے دادی تے توننگ کِن زور تِس۔ سی ایچ آر آئی اسہ بیان ئٹ پارےکہ حکومت نا پارہ غان برانز آ سُم کاری و آنسو گیس نا زریعت ئٹ پاش کننگ ءُ ۔ 

حب: روڈ شکست ٹی پنچ بندغ بیران و ٹپی

بلوچستان نا صنعتی شار حب چوکی ٹی مروک اسہ کسر  شکست ٹی اِرا بندغ بیران اندن مسٹ ٹپی مسونو ۔  کسر شکست حب چوکی نا علاقہ بھوانی نا ہند آ مس ۔ ہراڑے کار اُلاخ و ٹرک ئٹ دک لگا ۔  ذرائع تا ردئٹ کار اُلاخ ٹی مروک اسہ بندغ ئس ہمو وخت بیران مس ، اوکان گُڈ ٹپی مروک و جون آتے حب چوکی سول اسپتال آ دننگا ۔  یاتی مرے کہ بلوچستان ٹی مروک روڈ شکست آتیٹ دے پہ دے نا بنیات ئٹ بھاز آ بندغ آک ٹپی مریرہ ۔ تدوکا دے تیٹ کسر  شکست ٹیبلوچستان اسمبلی نا اسہ باسک ئس ہم اندا کسر  شکست آتیٹ بھاز ٹپی مسس ۔

کابل ٹی تراک، ہفت بندغ کسکر

افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز  بندغ ٹپی مسونو ۔ پیشن ملکی حوال تِروک ایجنسی نا...

مہسا امینی نا خون ، تیوہ ایران ٹی برانز برجاء

ایران ٹی پولیس نا دزگیری ٹی ورنا نیاڑی نا مرگ نا گواچی مننگ آ تیوہ ایران ٹی چارمیکو دے ہم برانز برجاء ءِ دا...