بھارت نا ریاست کیرالہ ٹی پر و نوکاپ آن کہی ضلع آک بھاز خراب زیمی مسونو۔ اندن پر، نوکاپ و ڈغار دڑنگ آن جتا ویل آتیت 15 بندغ بیران مسونو۔
کیرالہ نا ضلع کوٹائم ئٹ ڈغار دڑنگ آن کہوک آتا کچ 12 مس، و 20 بیگواہ بندغ آتا جون تا پٹ و پول برجاء ءِ۔
ایلو پارہ غان ضلع ادوکی ئٹ پر آن جتا ویل آتیٹ مسہ بندغ بیران مسونو۔
بھارت نا محکمہ مد نا پارہ غان کیرالہ نا پنچ ضلع تیٹ سخت مد ئنا ریڈالرٹ و 7 ضلع تیٹ اورنج الرٹ شینک کننگانے۔
بھارت نا محکمہ مد کیرالہ نا ساحلی علاقہ تیٹ سہ شنبے اسکان بھاز پر ئنا پیش گوئی ءِ کرینے۔
بھارت نا محکمہ مد ئنا پارہ غان ریاست اترکھنڈ ئٹ ہم دو شنبے نا دے بھاز پر ئنا ریڈ الرٹ شینک کننگانے۔