حوال تا رد ئٹ بلوچستان ٹی ہم جہانی دین کورونا وائرس نا تالان مننگ نا کچ ئٹی ودکی مننگ ءِ، گیشتر حوال تا رد ئٹ تدوکا دے بلوچستان نا6 ضلع آتیٹ کورونا نا تالان مننگ نا کچ 4 اعشاریہ 74 فیصد مسونے، کوئٹہ ٹی وائرس نا تالان مننگ نا کچ 5 اعشاریہ20 و کیچ ئٹی 10 اعشاریہ 94 فیصد ریکارڈ کننگانے ۔
گیشتر حوال تا رد ئٹ محکمہ جانجوڑی نا رپورٹ نا رد ئٹ تدوکا 24 گھنٹہ نا نیام ئٹی بلوچستان نا 6 ضلع آتیٹ کورونا نا 759 ٹیسٹ کننگانے 36 بندغ نا کیس آک مثبت بسونو،اندن ارا دے مست بلوچستان ٹی کورونا نا تالان مننگ نا کچ 1 اعشاریہ 43 فیصد اس، کوئٹہ ٹی کورونا نا558 ٹیسٹ کننگانے و 29 مثبت بسونو۔
اندن کیچ ئٹی کورونا نا 64 ٹیسٹ کننگانے ہفت بندغ ٹی وائرس پک مسونے بلوچستان ٹی کوروناوائرس نا فعال کیس آتا کچ 125 ءِ، اندن تدوکا دے بلوچستان نا 28 ضلع آتیٹ کورونا نا ہچ ءُ ٹیسٹ متنے۔