بلوچستان نا ضلع کوہلو نا علاقہ کاہان آن ارا تو مست زورٹ بیگواہ مروکا ورنا داسکان یلہ مننگ کتنے۔
ٹی بی پی ءِ رسینگوک حوال تا رد ئٹ تدوکا سال 18 نومبر آ کاہان نا علاقہ پھش آن فوجی آپریشن نا وخت آ پاکستانی فورسز بھڈا پنی ورنا ءِ دزگیر کریسہ بے ڈس و جاگہ سیا درے ہراڑان گڈ داسکان اونا بابت ہچ و وڑ ئنا حوال رسینگتنے۔
پن کروک ورنا مالداری تون ہمگرنچ ءِ اندن ارا نا اسٹ آ کٹوک پاننگک، ورنا نا خاہوت سیاسی جماعت وبندغی حق ئنا تنظیم آتیان خواست کرینے کہ او ورنا نا یلہ کننگ کن تینا کڑدار ءِ پورو کیر۔