روس یوکرین نا مخلوق نا ہندی ماڑی تیا جہان نا تیوہ آتیان طاغتی 500 کلوگرام وزنی بمب ءِ خسا ہرانا سوب آن چنا تون اوار 18 شاری مرگ نا گواچی مسر۔
یوکرین نا وزارت حوال تروک تینا ٹوئٹ ٹی پارے کہ روسی پائلٹ آک اسہ پین جرم اس کریسہ سمی شار ٹی مخلوق نا ہندی ماڑی تیا 500 کلوگرام وزنی بمب اس خسار ہرانا سوب آن 2 چنا تون اوار 18 بندغ مرگ نا گواچی مسر۔
اندن یوکرین نا وزارت خارجہ تینا ٹوئٹر اکاؤنٹ آ 500 کلوگرام نا اسہ پین بمب ئسے نا عکس شیئر کریسہ پارے دا بمب ہم مخلوق نا ہندی ماڑی تیا خسینگاسس ہرا ترخنگ کتو۔
داسکان ایلو علاقہ آتیٹ خسوک اندا وڑ ئنا بمب آتیان بھلو کچ اسیٹ نرینہ، زالبول و چناک مرگ نا گواچی مسونو روسی جاز آک یوکرین ٹی مخلوق نا ہندی ماڑی تیا 500 کلووزنی نا ہرا بمب ءِ خسار او’ فادر آف آل بم ‘( این اے بی 500 ) پاننگیک۔