بلوچستان یوتھ اینڈ سول سوسائٹی نا کنڈ آن 2022 جون ئنا اولیکو ہفتہ ٹی مروکا تدینی تا اعداد و شمار شینک مسنے۔
2022 ٹی جون ئنا یک تاریخ آن ہشت تاریخ اسکان بلوچستان نا جتا کسر تیا 179 تدنی مسنے ہرافتیٹی 289 بندغ ٹپی و 51 بندغ بیران مسنو۔ دا بیرہ اسہ ہفتہ ٹی مروکا تدینی تا کچ ءِ۔
شابیتی حوال تا رد ئٹ کوئٹہ، مستونگ، قلات، سوراب، خضدار، لسبیلہ، وندر و حب ئٹی 86 تدینی مسنے ہرافتیٹی 150 بندغ ٹپی و 9 بندغ بیران مسنو۔ و قلعہ سیف اللہ، ژوب، شیرانی، میختر، ذیارات، ہرنائی، پشین، سرانان، یارو، چمن، لورالائی، دا علاقہ آ تیٹ 67 روڈ شکست مسنے و 91 بندغ ٹپی 28 بندغ ساہ تسنو۔
قلعہ سیف اللہ مسافر وین ئنا تدنی ٹی ہرا ٹی کہی اُرا تا اسٹ آن زیات بندغ بیران مسر و دا بیرانی تیٹ اسہ خاہوت نا 9 بندغ ہم اوار ءُ۔
سبی، بولان، مچھ، بارکھان، جعفرآبا ، ڈیرہ مراد جمالی، ڈیرہ اللہ یار، نوتال، بختیارآباد، ئٹی 18 تدینی ٹی 33 بندغ ٹپی و ہفت بندغ بیران مسنو۔
تربت، پنجگور، آپسر، گوادار، ئٹی پنچ تدینی ٹی 6 بندغ ٹپی و 6 بیران مسنو۔ نوشکی، نوکنڈی، دالبندین، ئٹی مُسہ تدینی ٹی 9 بندغ ٹپی و اسہ بندغ اس بیران مسنے۔ بیران مروکا تیٹ 7 زالبول و 8 چُنا ہم اوار ءُ۔