جند ندری یا وت کشی؟
نوشت: میرک مرید
دی بلوچستان پوسٹ
جند ندری انت ئسے؟ جند ندری سنگتی اُست بڈی آ سوج، تینا لشکر و بروکا سنگت آتا زی آ تینا جہد ئنا زی آ باور کننگ ءِ جند ندری پارہ، بروکا وخت اکن تینا ساہ ءِ ندر کروک آتے جند ندر پارہ، کاروان نا روانی و سوگو آ گام تا درشانی کروک آتے جند ندر پارہ، تینا سنگت آتیا تینا سنگت آتا بھلا حوصلہ تے مون ئٹی تخوک ساہ تروک آتے جندندر پارہ، راج ئسے نا کاٹم ءِ بڑز کروک آتے جند ندر پارہ۔
وت کشی؟
وت کشی و جند ندری نا نیام ئٹی کنا مون ئٹ بھاز بھلو فرخ اس ساف خننگک وت کشی ءِ جند ندری تون برابر ہچ ہلپرہ وت کشی و جند ندری ٹی بھاز بھلو فرخ ئسے وت کشی ہمو وخت مریک ہرا وخت بندغ جہان نا سختی تیان تنک مننگ و مخلوق نا ودی کروک پریشانی تا سوب آن وت کشی کیک او گڑا وت کشی پاننگک، نہ کہ اسہ راج نہ کہ اسہ جہد ادارہ ئسے نا رژنائی و مفاد ئسے کن مریک، وت کشی امو وخت پاننگ کیسہ ہرا وخت تینا زند آن دڑدی مروک بندغ آک سختی تا مونٹی مرگ ءِ اڑزان سرپد مریرہ، نہ کہ راج ئسے کن گڑتی کروک و مخلص آ کڑدار آتے نی وت کشی پاننگ کیسہ وت کشی ءِ جند ندری تون اوار کننگ گنوکی ئسے جند ندری و وت کشی ٹی زمین و آسمان نا کچ فرخ ارے۔
جند ندری نا لڑ امر بناء مس؟
دا کسہ ہمو بندغ ئنا ءِ ہرا وخت اسہ دلیر ءُ ورنا اس، بلوچ ورنا اس بلوچ راج ئٹی تاریخ نا پنہ آتیا پوسکنو تاریخ اس نوشتہ کرے دا کسہ اسہ اندنو دلیر ءُ ورنا ئسے نا ءِ ہرا یکہ سد آ بندغ تیان زور مس 2010 ئٹ بلوچ راج ئنا دلیر آ ورنا شہید مجید بلوچ راج ئنا تاریخ ءِ پین زیبا کرے تینا دتر تیٹ، اسہ مجید سد آ دژمن تون یکہ جنگ کرے، دژمن نا خن تے شیف کرے جہان نا مونا، اندنو دک اس تس دژمن ءِ کہ او تینا گوڈ آتیا تما، اسہ مجید سد آتا کچ ئٹ دژمن ءِ تورے، اخس گھنٹہ جنگ کریسہ اوفتے کسفیسہ کرے دا بھاز بھلو خن شیفی ئسے کوزہ گیر کن کہ او داخس آسراتی مننگ داخس ٹرین مروک کارندہ آتیان بیدس ہم اودے توننگ کتو، اندا وڑ تینا دتر ءِ تریسہ مجید بلوچ راج ئنا تاریخ ئٹی تینا پن ءِ نوشتہ کرے اندن نوشتہ کرے کہ اینو مجید بریگیڈ اونا پن ئٹ یات کننگگ۔
اسہ سال اس گدرینگا وخت بس اسہ اندنو ٹولی اس جوڑ کننگ نا، مجید نا کاروان ءِ جوڑ کننگ نا اسہ دے فیصلہ مس و مجید نا دلیری نا پن ئٹ اسہ پوسکنو جہد اس بناء کننگا و او پوسکنا جہد ئنا پن ءِ شہید جنرل اسلم، مجید بریگیڈ تخا، و اندا فیصلہ ٹی اسہ سنگت اس مونا بس کہ ای جند ندری نا لڑ ءِ بناء کیوہ او دلیر آ ورنا شہید درویش نا پن ئٹ یات کننگگ، 2011 ئٹ کوئٹہ ٹی شفیق نا زی آ جند ندری کرے۔
شفیق دیر ءِ؟ شفیق پاکستان نا ڈھکوک ادارہ آتا بندغ ئسے ہرا بلوچ راج ئنا زنک ءِ ایسر کننگ نا لڑ ءِ پین شابیت کرے بلوچ راج ئنا ورنا تا برمتہ کننگ، زوراکی ئٹ بیگواہ کننگ، دُزی، جشوک آ جون تا خسنگ دافتے پین شابیت کرے شفیق و اوڑان بار انگا ایلو غدار آک ہرا تینا راج ءِ ایسر کننگ ئٹی کوزہ گیر دژمن تون اوار مسر۔ شفیق تو خلنگتو ولے دژمن ءِ سما تما بلوچ راج ئنا ورنا تا تاغت و ڈیہہ اکن مہر و تینے ندر کننگ نا۔ شہید درویش ہم بلوچ راج ئنا تاریخ ئٹ تینا پن ءِ نوشتہ کرے۔
ولدا ہفت سال گدرینگا اسہ پین ورنا اس بس شہید درویش نا کاروان ءِ مونا دننگ کن او اسہ اندنو وخت اس ئس بلوچ راج ئنا ورناک مونجائی تا گواچی ئسر بلوچ راج پننگ ئس، دا مونجائی تے ایسر کننگ کن ریحان بس مونا و استاد اسلم نا دلیر آ مار، اسہ باوہ اس جہد ئنا بناء ءِ کرے تینا اُرا غان، تینا مار ءِ درویش نا پد ئٹ رادہ کرے جند ندری کن، ریحان بلوچ راج ئنا تاریخ ئٹ اسہ پوسکنو لڑ اس بناء کرے اندنو جہد اس ہرا اینو اسکان امو ترندی و جوزہ ئٹ برجاء ءِ۔ اینو بلوچ راج ئنا ہر ورنا جند ندر آتا پد ئٹ ہننگ خواہک و ریحان بلوچ راج ئنا مونجائی ءِ تینا دتر تیٹ ایسر کرے تینے بور بور کرے، بلوچ راج ئنا بروکا زنک ئٹی امو جوزہ نا اتنگ کن ہرا ہچبر ایسر مروف۔ مونجائی انت ئسے اینو بلوچ راج سرپد مفک تا اینو بلوچ راج ئنا ہر ورنا تینا راج اکن ساہ ایتک ولے مونجا مفک۔
گڑا امر کس پاننگ کیک کہ جند ندری و وت کشی ٹی فرخ اف جند ندری ءِ وت کشی تون برابر کننگ جاہلی نا نشانی ءِ تینا خنتے ملیر اُریر دا ورنا تا ندری تے ہرا تینا زند ءِ ندر کیرہ تینا راج اکن نہ کہ زند آن دڑدی مریسہ۔ بلوچ راج داخس نزور اف کہ وت کشی کے بلوچ نا کچ سگ اسہ راج اسیٹ ہم اف، بلوچ نا کچ دلیر اسہ راج اس اف۔ جند ندری ءِ وت کشی نا پن تننگ بس کبو۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔