کوہلو ٹی آپریشن ہندی بندغ آک دزگیر 

الّمی خوانبو

کوہلو ٹی فوجی آپریشن برجاہ ءِ چار بندغ دزگیر اندن فورسز داسکان علاقہ ٹی ساڑی ءِ۔

گیشتر حوال تا رد ئٹ بلوچستان نا ضلع کوہلو نا علاقہ جنتلی آن رسینگوک حوال تا رد ئٹ اینو سہب ئنا سے جتا علاقہ آتیٹ ہیلی کاپٹر آتیان پاکستانی فوج نا کارندہ آتے دڑفیسہ فوجی آپریشن بناء کننگانے ہرا داسکان برجاہ ءِ۔

علاقائی بندغ آتا پاننگ ءِ کہ علاقہ نا کلی تیٹ فورسز نا کارندہ آک بھلو کچ اسٹ تالان مسونو ہراڑے اُرا اُرا ٹی پٹ و پول کننگ ءُ۔

ہندی بندغ آتا پاننگ ءِ جنتلی نا علاقہ کلی جمال، ہان زئی ٹی فورسز اُرا تیٹ پٹ و پول کننگ ءِ و مہران نا مار بشکیا خان، درا نا مار مغل، درا نا مار موران تون اوار چار بندغ ءِ فورسز کارندہ آک دزگیر کریسہ تینتون دریر ہرافتا بابت داسکان ہچ وڑ ئنا حوال رسینگتنے۔

ہندی بندغ آتا پین پاننگ ءِ فورسز کارندہ آک اُرا اُرا ٹی پٹ و پول نا وخت پاریر کہ صوبائی حکومت نا خواست آ دا علاقہ ٹی آپریشن کن رادہ کرینو، داسکان کوالخوا تا پارہ غان دا بابت ہچ حوال مونا بتنے۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...