بلوچستان نا ضلع حب ئنا تحصیل لوہی ٹی سورک نا دین تالان، درزن آ چناک زہمی مسونو و کیہی تا حالیت نازرک ءِ۔ محکمہجانجوڑی لسبیلہ و پی پی ایچ آئی لسبیلہ نا ٹیم کمک کن لوہی آ رادہ مسونے۔
شابیتی حوال تا رد ئٹ بلوچستان نا ضلع لسبیلہ نا ضلعی ہیڈ کوارٹر اوتھل آن 295 کلو میٹر مُر ضلع حب ئنا تحصیل دریجی نا یوسیلوہی نا علاقہ یوسف گوٹھ، خدا داد گوٹھ، عبدالحکیم گوٹھ، بھائی خان گوٹھ و اوفتون گنڈوک علاقہ تیٹ سورک نا دین تالان مسونےہراڑان درزن آ چناک زہمی مسونو ہرافتیٹ کیہی تا حالیت نازرک پاننگک۔
تدینی نا حوال رسینگ تون محکمہ جانجوڑی لسبیلہ و پی پی ایچ آئی لسبیلہ اوار ءُ میڈیکل ٹیم اس لسبیلہ و حب ئنا ڈپٹی ڈی ایچ اوڈاکٹر منصور، پی پی ایچ آئی نا M&E آفیسر عمران ستار کھوسہ، حب ئنا اے ڈی ایچ او ڈاکٹر شوکت جلبانی نا سروکی ٹی ٹہیفسہدارو درمان تون اوار لوہی آ رادہ کریر۔