بلوچستان نا بنجائی شار کوئٹہ، پنجگور و نوشکے ئٹ پاکستانی فورسز کارندہ آتے بمب جلہو تیٹ ٹک کننگانے۔ مچھ ئنا علاقہ ئٹنادرست بندغ آک موبائل ٹاور ئسے بُھس کریر۔
استو پنجگور ٹی چتکان نا علاقہ تار آفس نا ہند آ مروک نارکوٹکس نا کیمپ ءِ ٹک کننگا۔
پولیس نا پاننگ ءِ کہ پنجگور جلہو ٹی ارا بندغ ٹپی مسونو اندن گاڑی تے نسخان رسینگانے۔ کوئٹہ ٹی مروک جلہو نا حوالہ ئٹ کوالخواہتا ہیت دائسکان مونا بتنے ۔
ایلو پارہ غان استو نوشکے اسٹیشن نا ہند آ پاکستانی لشکر نا پوسٹ ءِ نادرست بندغ آک چغلی بمب جلہو ئٹ ٹک کریر۔
کوالخواہ تا رِدئٹ تراک نا سوب آن اِرا کارندہ بھاز ٹپی مسر، و جلہو کروک آک نادرست آ نرار۔
اندن بولان نا علاقہ مچھ ئٹ استو نادرست بندغ آک موبائل ٹاور ئسے نا گڑا تے خاخر تریسہ بُھس کریر ہراڑان گڈ علاقہ ئٹ موبائلنیٹورک بند مسونے۔
یاتی مرے کہ بلوچستان ٹی فورسز کارندہ آتیا جلہوک مریسہ کیرہ ہرافتا ذمہ واری تے بلوچ آزاتی دوست گل آک ارفرہ واہم دا جلہو تاذمہ واری ءِ دائسکان کس ارفتنے ۔
حوال تا رِدئٹ اپریل ئٹ پاکستانی لشکر، اوفتا کمکار بلوچ سلہہ بند گل آک کم آن کم 60 جلہو کرینو۔ دا جلہو تیٹ کوئٹہ ئٹ ایس پی، وایس ایچ او نا گاڑی تیا مروک ترا، خضدار ئٹ سی ٹی ڈی افسر ءِ تراک ئٹ مرگ ئنا گواچی کننگ اوار ءُ۔