بلوچستان نا ضلع کیچ نا تحصیل بلیدہ نا علاقہ گلی و میناز آن برجاء توہ ئنا اولیکو ہفتہ ئٹ پاکستانی لشکر نا دو آن دزگیری آن پد بیگواہ کننگوک چار بندغ درو بیگہ نا آجو مریسہ تینا اُرا تے سر مسنو۔
میناز بلیدہ نا ہندی امید نا مار ماہد و گِلی نا ہندی حمید نا مار ولید، امید نا مار حنیف و امید نا مار نزیر نا آجوئی نا پک خاہوت آک کرینو۔
خیال ئٹ مرے بلوچستان ئٹ زوراکی نا بیگواہی تا گواچی مروک منہ بندغ یلہ مریرہ گڑا ہموڑے بلوچستان نا جتا علاقہ تیان زوراکی نا بیگواہی تا پین حوال ہم رسینگک۔
بلوچستان ئٹ زوراکی نا بیگواہی تا گواچی مروک بندغ نا آجوئی کن کاریم کروک گل وائس فار بلوچ مسنگ پرسنز و بلوچ یکجہتی کمیٹی نا ردئٹ دے پہ دے آ زوراکی نا بیگواہی تیٹ ودکی مریسہ ءِ اندن زوراکی ئٹ بیگواہ کیہی بندغ آتے دروغ نا مونتس تیٹ کسفنگانے۔