بلوچستان نا ضلع آک سوراب و خضدار نا تحصیل زہری نا کیہی علاقہ آک اینو شام 4 بجہ غان حساس پن کننگانو اندنکہ علاقہ ئٹ بھلو کچ اسے آ آپریشن مریسہ ءِ۔
ضلعی بست و بند اُلس آن خواست کرینے کہ او دا علاقہ آتا پارہ غا مون کپ و بیدس المی وڑ آ مش یا زیمی علاقہ آتیٹ ہننگ آن رکھیر تینے۔
اسسٹنٹ کمشنر زہری نا پارہ غان شینک مروک پڑو نا رد ئٹ انجیرہ، ارچینو، گرماپ، گزان، بلبل و اوفتون گنڈوک علاقہ آتیٹ مننگ کروک بھیم رکھوک گام ارفنگانے۔
حوالکار آتا رد ئٹ علاقہ آتیٹ دا وخت فوجی آپریشن برجاء ءِ۔ پاکستانی لشکر نا چِھل آن زیات گاڑیک کاروائی تیٹی گھٹ ءُ۔ اندن بھلو کچ اسے ئٹ کارندہ علاقہ تیٹ سلیفنگانے۔