بلوچستان نا جتا علاقہ تیان مُسہ بندغ نا جونک خننگانو۔ پولیس و لیویز کوالخواہ تا ردئٹ، تدینیک پنجگور، واشک نا علاقہ ناگ و کچھی نا علاقہ ڈھاڈر ئٹ مسنو۔
ضلع پنجگور نا علاقہ پیرے جھلگ آن اسہ بندغ ئسے نا جون رسینگانے ہرادے سم خلیسہ کسفنگانے، جون ءِ چاہنداری کن ٹیچنگ اسپتال آ دننگانے۔ اندن جون ئنا چاہنداری دائسکان مننگ کتنے۔
لیویز حوالکار تا ردئٹ، ناگ نا علاقہ بانسر ئٹ سلہہ بند بندغ آک ننکان اسہ بندغ ئسے اونا اُرا غان برمتہ کریر و دیخس مُری آ بانسر چھڑائی نا ہند آ کسفسہ اونا جون ءِ خسار۔
جون ئنا چاہنداری جان محمد نا مار ملا داؤد ہند ناگ بانسر نا دروشم ئٹ مسنے۔ جون ءِ آر ایچ سی اسپتال آ دننگانے۔ واہم کسفنگ نا سوب آک مونا بننگ کتنو۔
ایلو پارہ غان ضلع کچھی نا علاقہ چاندرامی، ڈھاڈر آن اسہ نادرست بندغ ئسے جشوک جون خننگانے۔ پولیس نا ردئٹ کہوک بندغ ءِ گُٹو کریسہ کسفنگانے۔
جون ءِ سول اسپتال ڈھاڈر آ دننگانے۔ ایم ایس سول اسپتال ڈاکٹر محمد زاہد نا ردئٹ کسفنگوک بندغ نا جون آ بیدادی نا پاش نشان آک اریر۔