بلوچستان نا علاقہ ڈھاڈر ئٹ پاکستانی لشکر نا گاڑی ءِ بمب جلہو ئٹ ٹِک کرینو، تراک ئٹ کالخواہ اِرا بندغ نا ٹپی مننگ ءِ پک کرینے۔
ضلع کچی نا علاقہ ڈھاڈر ئٹ یوسف پٹرول پمپ نا خڑک آ پاکستانی لشکر نا قافلہ ٹی ساڑی اسہ گاڑی ئسے بمب تراک ئٹ ٹِک کننگا۔
پولیس کالخواہ تراک ئٹ اِرا بندغ نا ٹپی مننگ ءِ پک کرینے، ٹپی تے سبی سی ایم ایچ آ سر کننگانے۔
پولیس نا پاننگے کہ تراک آن گڈ فورسز علاقہ ءِ گھیڑ ئٹ ہلسہ مستی پٹ و پول کننگے۔
جلہو نا ذمہ واری ءِ دائسکان کس ارفتنے واہم بلوچ سلہہ بند آجوئی دوست گل آک علاقہ ٹی ساڑی ءُ۔
تدوکا اسہ ہفتہ ٹی بلوچستان ئٹ پاکستانی لشکر ءِ دہ آئی ای ڈی جلہو آتیٹ ٹِک کننگانے ہرافتان نو تراک نا ذمہ واری ءِ بلوچ لبریشن آرمی ارفیسس۔
درو گوادر نا علاقہ جیونی ٹی پاکستانی لشکر نا کارندہ غاتے بلوچ لبریشن آرمی اسہ آئی ای ڈی جلہو اسیٹ ٹِک کریسس ہرانا سوب ہمو ہند آ اسہ کارندہ ئس مرگ ئنا گواچی اسٹ ئس ٹپی مس۔