بلوچستان نا ضلع مستونگ ئٹ پاکستانی لشکر جتاء علاقہ غاتیٹ فوجی آپریشن نا وخت آ کہیی بندغ آتے فورسز دزگیر کرسہ نا درست آ ہند آتیا درینے۔
فورسز درو مستونگ نا علاقہ کردگاپ ئٹ فوجی آپریشن نا بناء ءِ کرے،جتاء ہند آ تیاء چھاپہ غاتیٹ کہیی بندغ آتے زوراکی ئٹ بیگواہ کرے ہرافتیٹ ارا بندغ نا چاہنداری اورنگ زیب ولد غلام حیدر و سلطان محمد ولد موسی خان سکنہ گرگینہ نا پن ئٹ مسونو، ہڑتوما بندغ آک دکان دار ئسر۔
ہندی حوالی تا رد ئٹ ایلو ہند آتیان ہم کہیی بندغ آتا زوراکی ئٹ بیگواہی نا احوال رسینگانے، واہم اوفتا باروٹ شابیت حوال رسینگتنے۔