بلوچستان نا ضلع مستونگ ئٹ نادرست سلہہ بند بندغ آک تحصیل آفس آ شولنگار، جلہو کار آک کیہی اُلاخ آتے ٹک کریر و اندن علاقہ ئٹ سم کاری و تراک آتا اُرے اسکان توار ئس ۔
ہندی احوالکار آتا رد ئٹ ، جلہو نا نیام ئٹ داسکان کم و ود مُسہ بندغ ٹپی مسونو ہرافتے دمدستی ڈول آ ڈسٹرکٹ ہیڈکوارٹر اسپتال سر کننگانے۔ ہندی بست و بند اسپتال آتیٹ ایمرجنسی خلفیسہ جان جوڑی کمک کار آتے دمدستی خواہفینے۔
خن خنوک شاہدی تا رد ئٹ جلہو کار پوسکان سلہہ تیتون ئسر۔ اوفک سرکاری ماڑی ئٹ ساڑی اُلاخ تے ہشار و اوڑے ساڑی سیکیورٹی کارندہ غاتیا سم کاری کریر۔ پدان علاقہ ئٹ ترند تراک آتا توار ہم بننگ ئٹ بس۔
جلہو آن پد مستونگ شار ئنا بنجائی بازار و ایب کیب ئٹ دکاندار آک دکان تے تینا بند کریر۔
واہم کس اس جلہو نا زمہ واری ارفتنے ۔ بلوچستان ئٹ تدوک مچٹ وخت آن دننگا تدینی تیٹ ودکی خننگ ئٹ بننگ ءِ ۔