نثری نظم
عید
نزور آ ارمان تِتو
بیوسی نا نالہ غاتو
دڑد آتا کُلوئے تیز کرِسہ اسُّر
مُچ جہان گلوبالی ٹی اَس
بازارک رنگ ئے تینا بدل کریسُر
تیوی غا شاپنگ مال تیٹی
ہرکسس تینا امیت نا پلّواتے
گرِّنگ ترِسا ہِننگ اسُّر
تیوی شارئٹ ہوائی فائرنگ مسّک
چُنکا مسنتا جوڑک بشخندہ تسُّر
ورناک تینا سنگت آتو محفل کریرہ
کچاری ٹی لگاسُّر
غُٹ تینا عید ئنا گڑاتے بیننگ نا
بے صبری ئٹ انتظار اسُّر
چُنا بلاک اُرانا پیشن سلوک نُوک ئنا ندارہ
غاتے سیل ئٹی اسُّر
ولے امو شارئٹ منہ لُمّہ جیجا ءُ منہ اِیڑ تینا دیدہ غاتا فوٹوتے اُست آ تخاسُر
شار ئنا کہوکا ندارہ غاتے ٹی امو فوٹوتے ٹی تینا خوشی تے پٹِّسہ ہوغنگ اسُّر
حفیظ شہزاد
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔