حوال تا رد ئٹ جاپان نا درالحکومت ٹوکیو ٹی زمین جمب نا تروند لڑزہ آتیان زمین لڑزہ اندن ریکٹر سکیل آ زمیں جمب نا ترندی6.1 ریکارڈ کننگان۔
خبر ایجنسی نا رد ئٹ جاپان نا دارالحکومت ٹوکیو ٹی زمین جمب نا لڑزہ محسوس کننگا، ہرانا تروندی ریکٹر سکیل آ 6 اعشاریہ1 ریکارڈ کننگا، جاپان نا پبلک براڈ کاسٹر این ایچ کے دا رد ئٹ پارے کہ ٹرین لائنز ءِ توننگا، اندن دمدستی وڑ ئٹ بھلو نسخان نا ہچ و حوال رسینگتنے۔
اوکان مست بلوچستان ٹی کوئٹہ تون اوار ہرنائی و جتا علاقہ آتیٹ زمین جمب مس۔
ہرنائی ٹی بھاز آ ارا تیٹ زمین بھس مس، ارا تا شیف آن بننگ نا سوب آن 24 آن زیات بندغ مرگ نا گواچی و 300 آن زیات ٹپی مسر۔ کوئٹہ و ہرنائی نا اسپتال آتیٹ ایمر جنسی خلنگانے۔
اندن بلوچستان ٹی کوئٹہ، ہرنائی، قلعہ سیف اللہ تون اوار جتا علاقہ ٹی زمین جمب نا ترند لڑزہ محسوس کننگانے، زمین پیما مرکز نا رد ئٹ ریکٹر اسکیل آ زمین جمب نا ترندی 5.9 ریکارڈ و کڑمبی 15 کلومیٹر ئس، زمین جمب نا مرکز ہرنائی آن خڑک ئس۔