پنچ شمبے نا دے قلات پولیس تھانہ ٹی اسہ ترند توار ءُ تراک اس مسنے، ہراڑان پولیس تھانہ نا ماڑی ءِ نسخان رسینگانے، تراک آن بندغآتیٹ بیم و خُلیس تالان ءِ۔
پولیس آن رسینگوکا بنماسی معلومداری تا رد ئٹ تراک ڈیٹونیٹر ئٹ مسنے۔ حوال تا رد ئٹ ڈیٹونیٹر نوکاپی دیر ئنا سوب آن پولیس تھانہنا دیوال نا تمنگ آن خننگاسس ہرادے پولیس کارندہ آک ہُننگ ئسر کہ نا گمان آ تراک مس۔
تراک ئنا توار انداخس ترند اس کہ دا توار مُر مُر اسکان بننگا ہرا نا سوب آن ہندی مخلوق ئٹ بیم و خُلیس تالان ءِ۔
پولیس نا رد ئٹ تراک ئٹ ٹپی مروکا تے دمدستی ہندی اسپتال آ سر کننگانے۔ و تراک نا حوال رسینگ تون اوار پولیس و ایف سی کارندہآک تدینی نا جاگہ غا سر مریسہ پٹ و پول بناء کرینو۔
ایلو نیمہ غان بلوچستان نا ضلع کیچ ئٹی سی پیک نا رکھ کروک پاکستانی فورسز آتے ٹِک کننگانے ۔
فورسز کارندہ آتیا جلہو کیچ نا علاقہ کولواہ نا ہند آشال ئٹی مسنے۔ پِن کروک کارندہ آک سی پیک روٹ آ مسنو ہراڑے سلاء بند بندغ آکاوفتیا جلہو کرینو ۔
ہندی حوال تا ردئٹ فورسز آتے جانی و مالی نسخان رسینگانے اندن جلہو کروک آک سر سہبی ئٹ پیشتمانو ۔ ودیک فورسز کارندہعلاقہ ٹی رسینگانے و جلہو کروک آتا پٹ و پول برجاء ءِ ۔
تومکا جلہو تا ذمہ واری ءِ داسکان ہچو تنظیم اس ارفتنے واہم تدوکا وخت ٹی بلوچ سلاء بند آزاتی خواہوک تنظیم آک دا وڑ ئنا جلہو آتاذمہ واری تے ارفینو۔