بلوچستان اکیڈمی تربت ئٹ پروفیسر غنی پرواز نا کماشی ٹی کیچ ئنا ادیب، شائر، سیاسی و چاگڑدی شخصیت آتا مجلس اڈ تننگا۔
مجلس ئٹ بلوچستان ئٹی لمئی بولی بلوچی، براہوی، پشتو ءِ اسکول آ تیٹ خوانفنگ کن و اسکول آتیٹ پن کروک بولی تا خوانفوک آ تیکنپوسٹ جوڑ کننگ و کالج آتیٹ بلوچی نا لیکچرار آتا پوسٹ آتا بحالی تون اوار زبان و ادب نا ویل آتیا غور کننگا۔
ماتی زبانانی دیمروئی مجلس ( لمئی بولی تا دیمروی مجلس) اڈ تننگا۔ ہرا نا آرگنائزر ڈاکٹر غفورشاد و باسک آ تیٹ گلزار احمد گچکی،فضل بلوچ، الطاف بلوچ اوار ءُ۔
مجلس بلوچستان اسکالرز فورم نا ڈیمانڈ آتا تیوہ ئی مخ تفی کرے و اوفتتون اوار مننگ نا فیصلہ کرے۔
آرگنائزنگ کمیٹی اندا زوت ئٹ گوادر، پنجگور نا ضلع آتا دورہ ہم کرو و او علاقہ آتا ادیب، سیاسی چاگڑدی شخصیت آتون اوڑدئیکریسہ اوفتے ‘ماتی زبانانی دیمروی کمیٹی‘ ٹی اوار مننگ کن راضی کرو و مجلس نا واکدار آتا گچینکاری نا کاریم ءِ بناء کرو۔