بلوچستان نا ضلع کیچ ئٹ پاکستانی لشکر آپریشن ئٹ مُسہ بندغ ءِ کسفنگ نا دعویٰ کرینے۔
پاکستانی لشکر نا شعبہ تعلقات عامہ (آئی ایس پی آر) نا رد ئٹ ڈھکوک حوال رسینگوک حوال آ بلوچستان نا ضلع کیچ، تربت نا علاقہگشکور نا ہند آ کاروائی کننگا۔ ترجمان نا رد ئٹ سلہہ بند بندغ تا جاگہ غان خڑک فورسز کارندہ تے دڑفنگ کن ہیلی کاپٹر ءِ کاریم ئٹہتنگا۔ اندا وخت فورسز و سلہہ بند بندغ تا نیام ئٹ ترند سم کاری مس۔
آئی ایس پی آر نا رد ئٹ کہوک آ بندغ آک تدوکا دے فورسز آتیا مروک جلہو ئٹ اوار ئسر۔ گیشتر دعویٰ کننگانے کہ دا بندغ تا جاگہ غانبارود تون اوار سلہہ نا کوڑ ہم خننگانے۔
یاتی مرے کہ تدوکا دے تیٹ بلوچستان نا جتا علاقہ تیٹ فوجی آپریشن تا لڑ برجاء ءِ اندن بلوچستان نا ضلع سبی و بولان آن خڑک ئناعلاقہ غاک اینو پنچمیکو دے ہم فوجی گھیرہ ٹی ءُ، اندن علاقہ ئٹ موبائل سروس ہم دائسکان بند ءِ۔
داڑے پنجگور آن خڑک ئنا علاقہ کیلکور ئٹ اینو سہب آن پاکستانی لشکر نا زمینی و فضائی آپریشن برجاء ءِ۔ پن کروک آپریشن ئٹ پندکروک فوجی ٹولی تیان بیدس گن شپ ہیلی کاپٹر و ڈرون طیارہ غاک ہم پن کروک علاقہ تیٹ گشت کننگ ءُ۔
ایلو پارہ غا تدوکا دے تیٹ آئی ایس پی آر بولان و سبی ٹی آپریشن نا وخت ہم سلہہ بند تنظیم آن تعلقداری تخوک اِرا باسک ءِ کسفنگنا دعویٰ کریسس۔ واہم آزات ذرائع تیان فورسز دعویٰ غاک دائسکان پک متنو۔