ننا ورنا تا ڈس افک
ننا ورنا تا ڈس افک
کہ اے بیگواہ تا ڈس افک
دَرینو خن تا نور آتے۔۔ننا سُوب وُ سَہور آتے
توار ءِ بے توار آتا ۔۔ امید آتے ہزار آتا
ہَراتا ِپن ارے لکھ اَس۔۔ ہَراتا مُری ءِ دکس
صفاکورن زہیران نن
امو تینا تا ڈس افک
ہراتا جون ٹپ ٹپ ءِ۔۔ہراتا جوڑ کپ کپ ءِ
ہراتا پُٹی ءِ خرن ۔۔اَسُل بارِتہ اوُ پُوشکن
ہَراتا خنک پَٹی اُو ۔۔تہار آتیٹی بنَدی اُو
کہ دے نن کُجرینگانو
امو مُونجاتا ڈس افک
کہ مار اس باوہ ءِ پٹک ۔۔اُرا نا خواجہ ءِ پٹک
دلاسہ ایڑ تے ایتک ۔۔گہس اوغک گہس مخک
خلوکو خنک دَرگہ ٹی۔۔ہُرے کے یا برے وختی
بھری خوشی تا اوتون ءِ
ہمو ابا تا ڈس افک
اسل دا قصہ ءِ مُرغن۔۔مدامی خنکو دا خیسن
کہ گودی اس غمے ارفک۔۔چناتا باوہ کن اوغک
او پاہک داخدر چاوہ ۔۔۔بریک دے اس نما باوہ
دنو قصہ اسٹ افک
کہی دنیا تا ڈس افک
کرینےخُش تےکس پُیہن۔۔کہ چپءِ خنکوتہ پالن
ہُرک دِشتار اکن تینا۔۔۔کہ اے تیدار اکن تینا
ہرانا ڈاج مس متکن۔۔۔تخس دوتے برک ہندن
مروسر زندنا سنگت
ہمو ہمراہ تا ڈس افک
گہ لمہ مارے گوہانے۔۔۔تو باوہ سارے گوہانے
اوہرجہہ ہردرےگولر۔۔نہ چپ تولر نا او خاچر
کہ دڑدے تا خدا چاہک۔۔دا نت تا پوتڑو پاہک
چراغ ءُ زندگانی تا
ہمو ڈیوا تا ڈس افک
عجب یوسف سزا بازے۔۔کہ داڑے کربلا بازے
کہ ایڑس ایلم ءِ پٹک۔۔۔سخا نا دروشم ءِ پٹک
وا پٹک ایلم ءِ ایلم۔۔۔ستم تا جاری ءِ موسم
ہراکہ زیب و خلق آتا
ہمو زیباتا ڈس افک
شاعر: یوسف عجب