سوگئوے او فِکر اٹی ھَو جون اٹی پُھل لاغَر ئے
گُلگُلاب ئے چہرہ خید ئٹ مُچ زباد تہ عمبَر ئے
سوب ئنا گودل کے تینا ساہ ئے دِلدست آ تخا
آلُم ئے خیرات اونا سدخہ سنگت دلبَر ئے
شون ئکے پدریچ انا او شین ئکے دا ڈیھ ئنا
مارے عیوض ٹی تِننِگ آ بیشک اسلم رہبَر ئے
خلکُنے او مزّل ئے خن تیٹی پند ئے ہَلمہ کیک
ژل پِتے اف فَرق کسر ٹی اِشکر ئے یا اَنگَر ئے
چلتن ئے مارِشت ئنا ھو مہر ئنا آماچ ئے پھل
غیر ئکے تلوار ئسے تینا تکے او اِسپَر ئے
زلزلئی خیال ئٹ توار نی کِڑد ئتو زندہ کریس
شیہک ئے ٹک تیر ئے پھلین ئے فتح ئے کمبَر ئے.
توار بلوچ