پڑو ادبی کچاری نا مجلس اس چار شمبے نا دے امداد ہوٹل قمبرانی روڈ آ براہوئی بولی نا گچینا ورنا غا شاعر خواجہ شبیر آجو نا کماشی اٹ اڈ ہلک، ہرا ٹی تنظیم نا غٹ باسک آک بشخ ہلکُر۔
مجلس اٹ تنظیم تدوکا سال اٹ مروکا پروگرام آتا تنقیدی جائزہ ہلنگا ہراٹی باسک آک گچین وڑ ہیت گپ کریر، ہندن کچاری نا سنگت آتا سلاح و سوج آن گڈ 2019/20 نا کابینہ ہڈ تننگا۔
پوسکنا گچین مروک کابینہ نا رِد اٹ چیئرمین سعید نور، وائس چیئرمین ملک علی نواز سگار، جنرل سیکریٹری لونگ خان ذگر، پریس سیکریٹری امیر عباس، فنانس سیکریٹری ماسٹر محمد حنیف و جوائنٹ سیکرٹری خواجہ نعیم سکاند گچین مسر۔
ہندن ایگزیکٹو کمیٹی کن شبیر آجو، سمیع شاکر، زیبر مینگل و انس بلوچ گچین مسر۔ نشست نا گُڈیکو بشخ اٹ تنظیم نا بروکا وخت نا پروگرام آتا رِد اٹ لائحہ عمل پیش کننگا۔