جنوبی ایشیا نا کاریم تیا نظر تخوک آ تجزیہ کار مائیکل کگلمین نا پاننگ ءِ کہ کانگریس آ ڈیموکریٹس نا متوقع کنٹرول آن گڈ امریکی صدر ڈونل ٹرمپ و او نا خاہوت نا کاروباری معاملہ غاتا جاچ ئٹ ودکی مننگ کیک، ہرا نا زہم آک ٹرمپ بست و بند نا تجارتی سفارت کاری آ ہم تمنگ کیرہ۔
چاگڑدی حوالکاری نا ویب سائیٹ ایکس آ اسہ تبصرہ اسیٹی مائیکل کگلمین پارینے کہ اگہ دن مریک گڑا پاکستان کن دا اسہ خرابو نتیجہ اس مون آ مننگ کیک۔
او نا پاننگ نا رد ئٹ، ہراتم ڈیموکریٹس کانگریس نا کنٹرول ءِ سمبھالان گڑا ٹرمپ و او نا خاہوت نا کاروباری معاملہ آتا نظر تخنگ و پٹ و پول کننگ ئٹی ودکی مرو، ہرا او نا بست و بند ئنا تجارتی سفارت کاری ءِ زہمی کننگ کیک۔
کگلمین پین پارے کہ دننگا حالیت ئٹ پاکستان کہ جوانو خبر اس مروف، انتئے کہ پاکستان ٹرمپ بست و بند تو اوار کاروباری و تجارتی حوال ئٹ ہل و تس کرینے۔