وائی سی ایس ایف، پڑوادبی کچاری او نشست آن لائن نا کتاب میراث جہد
حوال: یارجان زیبؔ
یکم جنوری 2020 چار شمبے نا دے (وائی سی ایس ایف، پڑوادبی کچاری و نشست آن لائن) نا پارہ غا اسے دے ئی کتاب میلہ اس “کتاب میراث جہد” نا پن اَٹ منیراحمد چوک سریاب روڈ کوئٹہ ٹی اڈ الک۔ دا کتاب میراث میلہ ٹی جتاء سرحال و جتاء بولی تیٹ نوشتوک کتاب آک تخوک اسُر، ہرا ٹی بلوچی، براہوئی، اردو، انگلش نا کتاب آک اوار اسُر۔
دا میلہ سُہب ئنا 11 بجہ غان دیگر 5 بجہ اسکان برجا سلیس ہراٹی براہوئی زبان نا ورناغا شاعر آک ساڑی مسر۔اندن بھلو کچ اسیٹی سیاسی، چاگرد راہشون تیتون اوار علاقہ نا کماش آک ہم دا میلہ ٹی ساڑی مریسہ خواجہ غاتہ حوصلہ افزائی ءِ کریر۔
کتاب میراث جہد نا پن اَٹ اڈ الوکا دا میلہ نا کماشی ءِ پڑو ادبی کچاری نا چیئرمین و نشست آن لائن ناچیف ایڈیٹر سعید نور کرے۔ یو سی ایس ایف نا چیئرمین لالا رحمت ہم دا وختا ساڑی ئس۔
کتاب میلہ ٹی سریاب و شال نا ایلو علاقہ غاتیان بھلو مخلوق اس بشخ ہلک ہراٹی علاقی نا کماش آتون اوار اوار باز بھلو کچ اس کتاب دوست آ چنکا چناتا اس، ہرا تینا بشخ ءِ شاغسہ یخ و برفیج آ تئو تون سینہ تریسہ کتاب دوستی نا شایدی ء تسُر۔
دا مجلس اَٹ ساڑی مروکاتیٹ ایم پی اے احمد نواز بلوچ، ڈاکٹر عبدالحئی بلوچ، کامریڈ غفار بلوچ، صاحب زادہ علامہ احمد رضا قمبرانی، چیئرمین امین بلوچ، نزیز بلوچ، شوکت بلوچ، زاہد علی رد، صالح بنگلزئی، مجسٹریٹ جاوید کرد، غلام نبی بلوچ، اشفاق بلوچ و ایلو سیاسی و چاگردی آ بندغاک اوار ئسر۔
دافتون اوار اوار بھازا ورنا غا شاعر خواجہ غاک دا میلہ ء تینا اواری تون زیبا کریر ہرافتیٹی چیئرمین شال ادبی دیوان اعجاز سنگت، سعید ناطق، سخاوت ادبی کارون نا سنگت اکبر شاکر، سیوت ادبی دیوان نا نزیر ساغر، باری آجو، حسین بخش ساجد، منتظراحمد، اند ن پڑو نا کل سنگت آک مسٹر حنیف، لونگ خان زگر، سگار بلوچ، خواجہ مزمل، شبیر آجو، فوائد جاوید او ایلو سنگت آک ساڑی ئسر۔