زرینہ نا پَلّو نا تار تار مننگ – چاکر زہری

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

شاعر: چاکر زہری

زرینہ نا پَلّو نا تار تار مننگ
ننا تینا ایلم تا سیامار مننگ
دا میر وُ نواب آتا کفتار مننگ
ضمیر آتا دولت تو واپار مننگ
ننے جوان یادے ننے جوان یادے

نا دشمن نا مجلس ٹی تولنگ جی ہو
نا ماسی اے غیراتا چٹنگ جی ہو
نا غیر آتا غمخوار مننگ جی ہو
نا غیرت نا سیم آن ہیپار مننگ
ننے جوان یادے ننے جوان یادے

کریس گواچی ماگیر نا چانڑدہی اے
نی ورنا تے کیداس دریس آگہی اے
نی چوچہ تا پوغا تخاس زندگی اے
دتر تان ننا نا دا زردار مننگ
ننے جوان یادے ننے جوان یادے

نی جور آتے پیوند گلابٹ کریسک
دسیس پت نی بدلہ ٹی گواڑخ دریسک
نی لمہ تے خنتان دتر ہوغِفیسک
نا چاکر تو دن سو وُ کتار مننگ
ننے جوان یادے ننے جوان یادے

_________

ای ہمو چُکّ ٸنا وللّہ دلدادہ اوٹ
اے کہ چاٸک کنا تیبہ غا زندگی

قید خانہ ٸٹی دا تہارا تدو
واہ ہم او محنتے ہمتے الپک

شام بس شام ٸنا وا تینا جوزہ اے
یکجہا کیک وا استخانٹ تخک

تینا امّیدے تینے آن مُر کپکک
پگہ نا فکرے دیخہ تینا الِّپک

حوصلہ اے اونا بڑز چلتن نا وڑ
خیال پختہ اونا دن کہ خل خیر ٸنا

سوب تما پدا الِّکک جاگہ اے
وا تیاری ٸسے تو پدا پوسکُنو

کاٹمے تینا آہن نا ہر تار ٸٹی
ہندن ہندن خلیک دن چا مجنون ٸسے

کاٹمے تینا چٹ کھپ کیک الِّکک
تینے ہوشان چٹ دن چا بیگانہ کیک

ہندا کار و کِسِب تیبہ غا زندگی
اونا حاصل ارے اونا محور ارے

آخری دے تیٸٹ او حیاتی ٸنا
یا تو آجو مریک یا پدا دے نہ دے

ٹپی آ جون ٸتو باغی آ روح ٸتو
زنگی اے تینا الوداع پاٸکک

ای ہمو چُک ٸنا وللّہ دلدادہ اوٹ
ای ہمو چُک ٸنا وللّہ دلدادہ اوٹ

_________

دڑد ئنا آسمان آتے بے بالِسا عشق ئنا انتہا غا تینے سر کرین
ایلو کھل ویل و ڈکّھ آتے تِسُّن یلہ ڈے ئنا دڑدے سینہ ٹی یکسر کرین

پین ہچ تِپّنہ انت کرین کتَّوَن مس ننے آن گِڑاس یا کہ ہچّ ئس مَتو
داخس ہم گنجے دھرتی نا آجوئی کِن زِندَنا سوبے مَشتے ٹی دیگر کرین

نن ارانگی ہِنان بسّونک وا پدی خُمب ئٹی جنت آ تینا دھرتی ئنا
اودے خنتا تِخان اودے سجدہ کرین دیدے مِشتا اُونا حجِ اکبر کرین

اُزبہ اُزبہ ننا مس فنا عشق ئٹی زرہ زرہ ننا جوڑ منصور مس
شورہ جانے تینا چیدہ دا کاٹم ۓ سینہ ۓ دا سِپر اُست ۓ سنگر کرین

ڈے ئنا ایلو شاعر تا چاکر ننے اف سما دیرے محبوب اوتا دیرے نازیفرہ
نن تو بولانے جان ساہ جی ۓ دلربا ہربوئی ۓ صنم شورے دلبر کرین

پُوسکنا حوالک

ڈیرہ بگٹی: بِین ئنا سوب آن 13 سالی مار خودکشی کرے

ڈیرہ بگٹی نا تحصیل سوئی ٹی 13 سالی بینگن آ مار بارُن اِرغ نہ رسینگ نا سوب لخ ئٹی...

بیلہ: بیم بش کروک شکست ئٹ 39 بندغ کسکر

بلوچستان نا ضلع لسبیلہ نا تحصیل بیلہ ئٹ کوئٹہ آن کراچی ہنوک کوچ درنگ ئٹ تمنگ آن 39 بندغ مرگ ئنا گواچی و کہیک...

یروشلم ئٹ یہودی عبادت جاہ آ جلہو، ہفت بندغ مرگ ئنا گواچی

دے ٹکی یروشلم ئٹ یہودی تا عبادت جاہ آ جلہو نا سوب آن کم آن کم ہفت بندغ مرگ ئنا گواچی و 10 ٹپی...

ری امیجننگ پاکستان: بلوچستان ئٹ اسہ پوسکنو آزموندہ ئس؟

ری امیجننگ پاکستان: بلوچستان ئٹ اسہ پوسکنو آزموندہ ئس؟ دی بلوچستان پوسٹ سرگپ کوئٹہ ٹی "ری امیجننگ پاکستان" نا پن ئٹ اسہ مجلس اس ہڈ تننگا...

کولواہ: پاکستانی لشکر نا کیمپ آ جلہو، ذمہ واری ءِ بی ایل اے ارفے

بلوچستان نا ضلع کیچ ئٹ سلاء بند بندغ آتا بھلو کچ اس پاکستانی لشکر نا کیمپ ءِ جلہو ئٹ ٹک کریر و نرار۔ ٹی بی...