نظم پن ئٹ راشد حسین نا
سما اف انت حالٹ اُس
سما اف انت خِیالٹ اُس
ارانگُس روشنی خنتا
برک دیدہ خوشی خنتا
ہنانـو اٹ سدی دیچہ
برک پُھلّی خنن نے نن
مرے مف زندگی مُستی
برک خنتا تِخِن نے نن
پدا کسکُن کَہِین خیرے
ننا نی زندگی خنتا
زراب آن ہجر ئنا توبہ
ہُشانـے نا جتائی پھل
امہ لُمّہ خڑینکی مف
ہلہ نا بے گوائی پھل
کنا خنتا خڑینک ئُس تو
کنا نی بیوسـی خنتا
قسم نے ایڑ ایلُم تا
خُدا غا ہُر برک خلق ءَ
درک حالے کپوت ھم نی
نگاہ پاتہ کرک خلق ءَ
زہیری نا تفے جمّھر
فنا تابِش دُوی خنتا
تابِش
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔