پولیس نا رد ئٹ کارروائی ہرنائی سنجاوی روڈ آ کننگا ہراڑے ڈھکوک حوال تا رد ئٹ چھاپہ خلکور، مننگ کرو ڈوہدار آتے مُسہ سنگت تون اوار دزگیر کریر و جیل آ دریر۔ ہراڑے اوفتیان پین سر و سوج برجاہ ءِ ۔
ولیس نا پاننگ ءِ مننگ کروک آ ڈوہدار آک 18 جون 2008 آ گدروکا تحصیل ناظم گل شاہ خان و دلاور شاہ ءِ کسفیسر و 12 سال نروک ئسر۔
اندن مستونگ ٹی اینو موٹرسائیکل اس پُلنگ نا وختا دز آتا سم کاری آن اسہ ورنا اس ٹپی، سلاء بند دز آک ہر وخت نا وڑ نرار۔
گیشتر حوال تا رد ئٹ نا دروست سلاء بند دز آک لڈی دشت آن خڑک فرید عبدالمالک نا مار آن موٹرسائیکل ءِ پُلنگ نا کوشست ٹی مون تس آ سلاء بند دز آک سم کاری کریسہ ٹپی کریر۔
ولے موٹرسائیکل ءِ دزینگ ٹی بے سوب مسر، ٹپی شہید نواب غوث بخش رئیسانی ہسپتال سرکننگا۔