بلوچستان نا دارالحکومت کوئٹہ تون اوار زیات علاقہ آتیٹ زمین جمب نا چنڈینگ مارنگانے۔ ریکٹر سکیل آ زمین جمب نا ترندی 5.5 ریکارڈ کننگا۔
زمین جمب نا حوال تخوک مرکز نا ردئٹ ریکٹر سکیل آ زمین جمب نا ترندی 5.5 ریکارڈ کننگانے ہرانا کڑمبی زمین نا تہٹی دئے کلو میٹر پاننگسہ ءِ و مرکز کوئٹہ آن 58 کلو میٹر مُر کوہ مہردار و ہرنائی نا خڑک ئس۔
زمین جمب نا چنڈنگ ءِ کوئٹہ تون اوار مستونگ، پشین، دکی ہرنائی، قلعہ سیف اللہ و قلعہ عبداللہ اٹ ہم مارنگا۔
زمین جمب داخہ ترند ئس کہ مخلوق اُرا تیان پیشن مس، واہم ہچو علاقہ اسیٹی ہچو نسخان ئسے نا دائسکان حوال رسینگنتنے۔