ورنا غا شاعر حفیظ شہزاد نا اولیکو کتاب مستاگر شیوان ادبی کاروان نوشکے نا پارہ غان چھاپ و شینک مس۔
شیوان ادبی کاروان ڈاک نوشکے نا بنداو 2010 ئٹ تخنگا ہرانا سرکماش شیخ عتیق حسرت مینگل ءِ۔ شیوان ادبی کاروان نا پارہ غان دا وخت اسکان دئے کتاب شینک کننگانو و اندن ہر سال گل نا پارہ غان بلوچ ربیدگ دے ہڈ تننگ تون اوار مجلس آک ہڈ تننگرہ۔
شیوان ادبی کاروان نا دا وخت آ مسہ ہنکین ڈاک، بحرین و دبئی ٹی ٹہیفنگانو۔ کالخواہ تا پننگے کہ اوفک شاعری، نثر آ کاریم کننگو ہرافتیٹ پٹ و پول آ ہم کاریم مننگے۔