بلوچستان نا علاقہ کوہلو نا پنی آ بلوچی خلقی شئر پاروک میر احمد مری تینا باوہ پیرئی آ علاقہ کوہلو ٹی است ہلنگ نا سوب آن کذیت کرے، او بلوچستان ئٹ چِل سال اسکان تینا فن ئنا درشانی ءِ کرینے۔
میر احمد مری نا زیمل نا دھن آک نہ بیرہ بنوک آتے چس تسرہ، بلکن بلوچستان ئٹ تینا گچین آ ہند اس تخیرہ۔ او یک شمبے نا دے است بند مننگ آن کذیت کرے و بھاز آ شہدائی تے تینا مونجھا ہلا۔
پنی آ بلوچی خلقی شئر پاروک میر احمد نا نماز جنازہ اونا باوہ پیرئی آ علاقہ کوہلو ٹی کننگا، ہراڑے بلوچستان اسمبلی نا باسک میر نصیب اللہ مری تون اوار سرکاری افسر آک، قبائلی راہشون تون اوار بھلو کچ اسیٹ مخلوق اونا نماز جناز ٹی اوار مسر۔