بلوچ ریپبلکن پارٹی نا بنجائی ترجمان شیر محمد بگٹی بیان اس شینک کریسہ پارینے کہ شہید گودی ہر وخت بہادری تون راہشون تحریک نواب براہمدغ بگٹی تون اوار سلیس و ہر سخت انگا حالیت ٹی سلوک ئس۔
ترجمان نا پاننگ ئس کہ شہید گودی ءِ اونا چنکا چنا تون اوار لغور آ دژمن شہید کریسہ دا پوہ مس کہ نواب براہمدغ چپ مرو یا تینا کاریم تیان مر مرو ولے ڈژمن نا دن لغور انگا کاریم تیان ڈاڈائے راج شہید نواب اکبر خان بگٹی نا مار خُلتو بلکن او پین بہادری ئٹ تینا کاریم تے مزل نا کنڈان ہننگ نا جوزہ ئٹ سوگوْ مس۔
بی آر پی نا ترجمان نا پین پاننگ اس کہ بلوچ راج ئنا دژمن غیر مہذب ءِ، او دو خالی آ نیازی و چناتے شہید و برمتہ کریسہ پوہ مریک کہ او راجی تحریک ءِ نزور کننگ کرو گڑا دا اونا ہورک آ سوچ ءِ۔
شیر محمد بگٹی نا پاننگ ئس کہ شہید نواب اکبر خان بگٹی تینا راج ءِ دا ہیل تسونے کہ ہرا وخت نما دژمن نیاڑی و چنا و نزور آتا جہلو کرے گڑا پوہ مریرے کہ او تینا شکست ءِ پاش خننگ ءِ۔
او پارے کہ شہید گودی تون اوار تیوہ آ شہد آتے دروت ندر کینا، شہد آتا قربانیک ہچ اندن ہنوفس۔