جھل مگسی ٹی سم کاری آن ارا بندغ بیران، ئسے ورنا اس گنداواہ بس اڈا غا کسفنگا۔
حوال تا ردئٹ ضلع جھل مگسی قتل گاہ اس جوڑ مسونے، اینو نا دے تحصیل جھل مگسی ٹی کھوسہ برادری نا متکنا دژمن داری ٹی سم کاری آن محمد رفیق و صحاک خان ءِ کسفنگا۔ خونیک نرنگ ئٹ سر سہب مسر۔
اندن اسے پین حوال ئسے نا ردئٹ سوب انا گنداواہ بس اڈا ٹی نا درست بندغ آک سم کاری کریسہ واحد ولد قادر بخش جتک ءِ کسفیر۔
علاقہ ٹی خلیس و بیم تالان ءِ۔ مخلوق نا پاننگے کہ انتظامیہ جھل مگسی امن ٹہفنگ ئٹ بے سہب مسونے ۔