بیتھوون | مٹ: سمعیہ بلوچ – گڈیکو بشخ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

بیتھوون

مائیکل رابرٹس | تلخیص و مٹ: سعید خاصخیلی

براہوئی مٹ: سمعیہ بلوچ

گڈیکو بشخ

1805ء آن یورپ نا معیشت ہم خراب مریسہ کرے۔ ہراڑان گڈ بناء برطانوی بحری فوج نا پارہ غان  فرانسیسی سرسہبی تے ایب کیب ءِ الینگ آن مس۔ برطانوی فوج ٹرافلگار نا خڑک کٹا ہراڑان خوراک نا نیستی ودی مس۔ دا سیاسی ویل آک  بیتھوون ءِ بھاز مونجھا کریر، او تینا مسٹمیکو سمفونی نیپولین نا پن آ  کریسس ولے 1802ء آن گڈ  نیپولین نا بابت اونا سوج بدلی مننگ بناء مس۔ اندا سال تینا اسہ سنگت ئسے نوشت کروک خط ئٹی او  بد مننگ آن نوشت کرے: ”نیپولین و پوپ نا نیام ئٹی  معاہدہ آن گڈ ہر گڑا نا رُخ مسکوئی، گھسوک و گیمرینگوک روایات نا پارہ غا مسونے…“ بیتھوون نا نیپولین کن تعریف ایسری ٹی سوختئی  ٹی بدل مس ہرا وخت 1804ء ٹی نیپولین تینے بادشاہ نا لقب تس۔ ہرا وخت بیتھوون دا ویل آتا سما تما گڑا سوختئی ٹی نیپولین نا پن آ اونا پن مرر کرے۔ او مسودہ داسکان ساڑی ءِ  و نن او صفحہ ءِ خننگ کینا ہراڑا داخس دے آن قلم چریفینگاسس کہ او ارینگا۔ اوکان گڈ  او سمفونی انقلاب نا اسہ گمنام ہیرو نا پن آ کننگا و داسا ایروکا سمفونی نا پن ئٹ پنی ءِ۔

بیتھوون نا فنی زند ئنا مسیٹمیکو وخت یورپ ٹی دا عہد نا معاشی گراوٹ و رد انقلابی حالیت تون ہم رنگی تخیک ۔ 1815ء ٹی نیپولین نا شکست و یورپ نا مسکوئی بادشاہی نا  بحالی  بیتھوون نا است ءِ ہسون کرے۔ او وخت ئٹی او بھاز کم زیمل تخلیق کرے۔ ہر جاگہ دیمروی سوج پد تمنگ نا گواچی اس: رومانوی رجحان نا عظیم شعرا شیلے و بائرن ءِ کٹوک برطانیہ آن بے وطن کننگاسس۔ میری شیلے او وخت فرنکسٹائن ناول نوشت کرے ہراٹی او عہد ودوک آ ترند دوستی، زنک پرستی، ترندی ئٹ دیمروئی کریسہ سائنسی صنعتکاری و بروک آ سرمایہ دارانہ معیشت آن نہ دوستی نا روداد بیان کننگا۔ دا رومانویت و انقلابی عہد نا ایسری اس۔ دا ریکارڈو آن بارہنگا بندغ آتا  عہد اس ہرا بندغ آک بھگ بیتھوون نا  عمر نا ئسر۔ ہرا  1817ء ٹی سیاسی معیشت و محصولات نا اصول نا پن آن کتاب نوشت کرے۔ ہرا بورژوا معیشت و سرمایہ داری نا پارہ غان المی  کاریم اس۔

1816ء تا 1819ء نا سال یورپی لس مخلوق کن  بھاز خراب ءُ سال اس مس۔ اگہ دن ہم پاننگیک کہ دا کورونا دین ئنا 2020ء نا سال آن زیادہ جتا اَلو۔ یورپی معیشت نہ بیرہ لغوی معنی تیٹ بلکن معاشی وڑ ئٹ ہم تیوہ وڑ ئٹ  یخ مسوسس۔ 1816ء نا سال ”باسنی نا مد آن بیدس سال“ ئنا پن آ چاہنگک (و ’غربی نا سال‘ نا پن ئٹ ہم )۔ غیر معمولی ماحولیاتی حالیت نا سوب آن یورپ ٹی بانسی نا کچ ریکارڈ تلہ اسکان۔ بزغری بھاز خراب زیمی مسوسس۔ خوراک نا بحران ودی مس۔ خاص وڑ ئٹ جرمنی ءِ بحران ترندی ئٹ ایسر کریسس۔ کننگ نا گڑاتا نرخ آک تیوہ آ یورپ ٹی ترندی تون ودیسہ کریر۔ بینگنی نا وخت ئٹی ہلہلہ اسہ ہڑدے  ئی جوڑ مسوسس۔ 1816ء و 1817ء نا  بے دادی ہلہلہ فرانسیسی انقلاب آن گڈ مروک ترند ہنگا برانز اس۔ نوزدہمیکو  کرن ٹی یورپ نا سرزمین نا دا خراب ہنگا کٹینگ اس۔

ویانا نا ساہ بند مروک و ردانقلابی ماحول و گڑاس جوان مفرینگ نا سوب آن مونجھا بیتھوون نوشت کرے :”ہرا وخت آسٹریا والا تا بیئر و مچے ہم ساسیج مف او ہچ وخت بغاوت کروفس۔“

بہرحال 1820ء آن گڈ بیتھوون نا زند ئنا ایسری  دے سال ٹی  یورپی معیشت بحال مننگ بناء مس۔ سرمایہ دارانہ طرز پیداوار تالان مریسہ کرے۔ صنعتکاری خاص وڑ ئٹ جرمنی و آسٹریا نا خلقی زند نا جاگہ ءِ الینگ کرے۔ او ٹی ہچ و شک اس اف کہ اولیکو سرمایہ دارانہ معاشی بحران 1825ء ٹی بس ولے اوکان گڈ اول  پرولتاری جہد نا آثار خننگ بنا کرے ہرا واپس بحال مروک بوربان بادشاہی ءِ 1830ء ٹی ایسر کرے و برطانیہ ٹی 1832ء ئٹ اصلاحات نا قانود  پاس کرفے ہراڑان مست مرتبہ پیسہ دار بالغ نرینا آتے ووٹ ئنا حق رسینگا۔

1827ء ٹی تینا مرگ آن مست 1824ء بیتھوون تینا ایسری  شاہکار مونا ایس۔ اسہ مرغن ءُ وخت اس  بیتھوون کورل سمفونی (کورل سمفونی ٹی موسیقی تون اوار کورس ٹی خلینگیک: مترجم) نوشت کننگ نا  ارادہ تخاکہ ۔ او تینا  سمفونی کن جرمن شاعر شلر نا ”اوڈ ٹو جوائے“ یعنی ’خوشی نا باگل‘ آن شئر الک۔ دا باگل آن او 1792ء آن چاہوک اس ۔ اولیکو وار دا باگل 1785ء شینک مسوسس ہرا جرمن جمہوریت دوستی نا مے نوشی نا باگل آن الینگاسس۔ ولے شلر او باگل نا سرحال  ”آجوئی نا باگل“ تخننگ خواہسکہ ولے  رد انقلابی طاغت آتا پارہ غان ترند ردعمل نا سوب آن  او دادے خوشی نا باگل ناسرحال تس۔ شلر نا باگل ئنا او لوز نوویں سمفونی نا سوگوْ بشخ مرے (ہرادے داسا یورپی یونین ٹینا ترانہ نا وڑ ئٹ کاریم اٹ ہتیک)۔

نوویں سمفونی ءِ بندغی نا انقلابی ترانہ سرپد مریرا۔ بیتھوون انقلابی امیت نا توار ءِ واپس زندہ کیک۔ دا امو بندغ نا توار ءِ ہرا شکست ءِ قبول کپک۔ ہرانا کاٹم اوفتا نا مونا شیف مفک۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

چین: کورونا کیس آتیٹ ودکی، اِرا شار ئٹ لاک ڈاؤن

حوال تا رد ئٹ چین نا صوبہ ہینان ٹی کورونا وائرس نا کیس آتیٹ ودکی مننگ آن گُڈ 2...

بلوچستان: جتا شار تیٹ دفعہ 144 خلنگانے

محکمہ داخلہ بلوچستان نا جتا علاقہ آ تیٹ ڈبل سواری آ رکھ خلنگ نا نوٹفکیشن تسنے۔ محکمہ داخلہ بلوچستان خضدار، مستونگ و سبی ٹی موٹرسائیکل...

نوشکی: ہار و نوکاپ نا دیر تیان پد جتا ناجوڑیک تالان مننگ ءُ۔

برجاء ہار و نوکاپ نا دیر تیان پد ہر نیمہ غا گند، کچرہ، ہیل٘ و پشہ آتا مُچ مننگ آن مخلوق سخت فریشانی تا گواچی...

پنجگور: گیسٹرو دین، چار چُنا بیران، درزن آک زیمی

پنجگور ٹی گیسٹرو دین تالان مننگ آن چار چُنا بیران اندن کہی بندغ آک زیمی مسنو۔ پنجگور و ایب کیب ئٹ دین تُرندی ئٹ...

پاکستان ئٹ زوراکی نا بیگواہی تا برخلاف برانز آ تیٹ بےدادی تون مون تروئی تمک – ایمنسٹی انٹرنیشنل

پاکستان ئٹ بیگواہ آ بندغ آتا خاہوت آتے تینا بندغ آتا آجو نہ مننگ نا برخلاف برانز آ تیٹ تڑی، و پولیس نا کرینگ...