حوال تا رد ئٹ بلوچستان نا دارالحکومت کوئٹہ ٹی گیس ہننگ نا سوب آن تراک چنا تون اوار چار بندغ ہشنگیسہ ٹپی مسر۔
پولیس نا رد ئٹ دوشمبے آ کوئٹہ نا علاقہ سریاب روڈ برمہ ہوٹل زمیندار گلی ٹی ارا ٹی گیس ہننگ نا سوب آن تراک مس ہرانا سوب آن ثنا بی بی، بتول،راحیل و محب ہشنگیسہ ٹپی مسر پولیس ٹپی آتے دمدستی وڑ ئٹ دوا درمان کننگ کن ہسپتال آ رادہ کرے پین کاروائی برجاہ ء۔
اندن پین حوال ئسے نا رد ئٹ کوئٹہ نا ایب کیب نا علاقہ کلی ناصران آن اسہ بندغ ئسے نا جون خننگا۔
ریسکیو آن رسینگوک حوال تا رد ئٹ نواں کلی ناصران آن ویلیا نا مار 52 سال ئنا دلیپ نا جون خننگ آن گڈ ہسپتال آ سر کننگانے ہراڑے کارروائی آن گڈ خاہوت نا دوٹی تننگانے، دا بابت پین کارروائی تعلقدار بست و بند کننگ ء۔