یورپی یونین نا خارجہ امور تا ترجمان نا پاننگ ءِ کہ کابل ٹی یورپی وفد نا کم از کم ساڑی مننگ انسانی کمک نا رسیفنگ ٹی آسراتی و انسانی صورت حال کن اڈ تننگانے۔
ترجمان افغان وزارت خارجہ نا پاننگ ءِ کہ یورپی یونین نا نمائندہ غاتون منہ اوڑدئی، ہیت و گپ آتیان پد سفارت خانہ ءِ ملنگا۔
ایلو کنڈ آن یورپی یونین نا خارجہ امور نا ترجمان پیٹر اسٹینو نا پاننگ ءِ کہ کابل ٹی یورپی وفد نا کم از کم ساڑی مننگ ءِ دوارہ اڈ تننگ بنا کننگانے، کابل ٹی یورپی سفارتخانہ ٹی یورپی وفد نا کم از کم تعیناتی ءِ طالبان حکومت ءِ مننگ پوہ مفس۔
اوفتا پاننگ ءِ کہ ہیت صاف وڑ ئٹ اوغانستان نا ڈی فیکٹو کوالخواہ تا ہم پاننگانے۔ ترجمان افغان وزارت خارجہ نا پاننگ ءِ کہ کابل ٹی یورپی سفارت خانہ تینا کاریم تے بنا کرینے۔