حوال تا رد ئٹ امریکا واشنگٹن ٹی افغان سفارت خامہ ءِ بند کننگ نا پڑو کرینے، عرب میڈیا نا رد ئٹ امریکی حکومت افغان سفارتی کارندہ آتے واشنگٹن ٹی افغانستان نا سفارت خانہ ءِ بند کننگ نا فیصلہ نا حوال تسونے۔
گیشتر حوال تا رد ئٹ لاس اینجلس و نیو یارک ٹی افغان قونصلیٹ مشن آک ہم بند کننگور امریکی حکومت افغان سفارتی کارندہ آتے تروک استثنیٰ ءِ ہم واپس ہلنگ نا فیصلہ کرینے۔ امریکی حکومت نا فیصلہ تون تعلقدار میمو برجاہ ہفتہ نا بناء ٹی افغان سفارت کارندہ آتیا رادہ کننگا۔
امریکی محکمہ خارجہ نا کارندہ آک عرب میڈیا آن پاریر کہ افغان مشن یا اونا کارندہ آتا اسٹیٹس ٹی ہچ بدلی کننگتنے اندن سفارت آن رسینگوک حوال تا رد ئٹ واشنگٹن ٹی افغان سفارتخانہ و نیویارک و لاس اینجلیں ٹی افغان مشن آک بند کننگور طالبان اگست ٹی افغانستان ئٹ اقتدار سبھالاسس ولے داسکان طالبان حکومت ءِ امریکا تون اوار جہان نا اسہ ملک اس ہم منیتنے۔