گچینو نقش جوڑنگو خُمارا خنک بلوچستان
تینے ارفینو نیکے کُل تلارا خنک بلوچستان
پُدیناگہوش نا ہائے دتر نا جو ئنا چِکِّک
فِدا نے آ مریرہ او ہزارا خنک بلوچستان
تہو پر برف آھڑ ٹی کہ تموکُو مشٹ تنیا
کرینو لوپ دڑدے نا اَنارا خنک بلوچستان
بدن نا بند بندٹ سُم ہَرا کُنگر وطن نیکن
ہمو تیٹی اریر گَنجل مَزارا خنک بلوچستان
تدیرک عشق ئنا سیم آن مُحبّت ئٹ فدا مسُّر
وطن پاک انگا نیکن سرمچارا خنک بلوچستان
کہی زلف آتا خوشبو تیا کہی خنتا سمندر تے
کریرک درگُزر دا کُوہسارا خنک بلوچستان
ننا چٹ ہوش پریفِک خُدا غا یاد ذیدیؔ نا
ننے بس تورِسا اُو نرمزارا خنک بلوچستان
ذید ذیدی