کوئٹہ ریڈ زون برانز – ٹی بی پی تیدری

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

کوئٹہ ریڈ زون برانز

دی بلوچستان پوسٹ تیدری

نوشت: گندار بلوچ

زیارت تدینی آن گڈ بناء مروک بیگواہ آ بندغ آتا خاہوت آتا تولوک برانز 46 دے آن برجاء ءِ، ہرافتا ویل آتے ایسر کننگ ئٹی حکومت وخت بے سہب خننگک۔ ایلو نیمہ غان تولوک برانز ئٹ اوار خاہوت آک مُد ئنا سختی تیان بیدس ہم تینا برانز ءِ برجاء تخانو و دے پہ دے تینا خواست آتا ایسری کن ترند گام ہرفنگ ارفنگ ءُ۔

خاہوت آک اسہ نیمہ غان ترند گام ہرفنگ آ بیوس ءُ ایلو نیمہ غان مُد ئنا سوب آن ناجوڑی تا گواچی مننگ ءُ ولے صوبائی و بنجائی حکومت برانزی تا خواست آتے ایسر کننگ ئٹ بے سہب خننگک۔

زیارت تدینی و بیگواہ آ بندغ آتا ویل:

خاہوت آتا دا برانز زیارت تدینی آن گڈ بناء کننگا۔ جولائی نا 12 تاریخ آ دا حوال مونا بس کہ پاکستانی لشکر نا لیفٹیننٹ کرنل لئیق مرزا بیگ تینا ہلّہ مل٘ عمر جاوید تون اوار زیارت آن کوئٹہ آ بننگ آ سلاء بند بندغ آتا دو آن برمتہ کننگا۔ تومکا ہمو وخت برمتہ کننگار ہرا وخت او تینا خاہوت تون سفر کننگ ئسر، ہرا نا ذمہ واری ءِ بلوچ سلاء بند تنظیم بی ایل اے ہرفے۔

لئیق مرزا بیگ و اونا الّہ مل٘ ئنا برمتہ آن گڈ پاکستانی لشکر زیارت نا ایب کیب ئٹ ہلہلئی آپریشن بناء کرے۔ آپریشن نا وخت آ کرنل لئیق نا جوْن منگی ڈیم ئنا علاقہ ٹی خننگا، ہراکان گڈ اونا الّہ مل٘ عمر جاوید نا ہم جوْن خننگا۔

آپریشن ئٹ پاکستانی لشکر بی ایل اے نا کیمپ ئسے گھیرہ کننگ ءُ برمتہ کروک آتیان پنچ بندغ خلنگ نا دعویٰ کرے ہرادے بی ایل ءِ تینا بیان ئٹ رد کرے و تینا سرمچار آتا مشن ءِ سر سہبی ئٹ ایسر کننگ و رکھوک پیشتمنگ نا پارے۔

 جولائی نا 16 تاریخ آ پاکستانی لشکر تینا آپریشن ئٹ 9 بندغ خلنگ نا دعویٰ کرے ہرافتا عکس آک راجی حوالکاری میڈیا غا تالان مسر، ہرافتیا شک ئنا درشانی کریسہ سیاسی و چاگڑدی باسک آتا پاننگ ئس مننگ کیک دا بندغ آک دروغ ئنا مونتس ئٹی خلنگانو۔

جوْن تا چاہنداری سول اسپتال ئٹ مننگ آن گڈ وائس فار بلوچ مسنگ ہرسنز نا کماش نصر اللہ بلوچ نا پاننگ ئس کہ زیارت تدینی ٹی ہرا بندغ آتے سکیورٹی فورسز آک جھڑپ ئٹی خلنگ نا دعویٰ کرینو او مُست آن بیگواہ ئسر، و دا بندغ آک اوفتا آجوئی کن برانز ہم کرینو۔

اونا پاننگ ئس کہ نن اندا پوہ مرینہ کہ سکیورٹی ادارہ آتا دا گام ڈیہہ ئنا راہبند و بندغی حق آتا سخت لتاڑنگ ئسے، اگہ دا ڈوہدار ئسر تو اوفتے عدالت ئٹ ہتیسہ سزا تسرہ تو نن ہچ نمن متونہ ولے دا وڑ مُست آن بیگواہ آ بندغ آتے دروغ ئنا مونتس آ تیٹ شہید کننگ بندغی نا برخلاف ڈوہداری ئسے۔

خلنگوک بندغ آتا چاہنداری مننگ آن گڈ جتا سیاسی، چاگڑدی، و بندغی حق آتا باسک آک حکومت و فوج آ نغد کاری کریسہ دادے بلوچ خلقت نا برخلاف مالو برجاء پالیسی تا لڑ پاریر۔

خاہوت آتا برانز:

تدینی نا پک ءِ صوبائی مشیر داخلہ ضیاء لانگو پریس کانفرنس اسیٹ کریسہ کرے۔ مشیر داخلہ بلوچستان ضیاء لانگو نا پاننگ ئس کہ زیارت ئٹ آپریشن نا وخت آ 9 دہشتگرد خلنگانو و 4 ٹپی مسنو۔

کوئٹہ ٹی پریس کانفرنس نا وخت آ ضیاء لانگو نا پاننگ ئس کہ 12 جولائی آ زیارت ئٹ آرمی آفیسر و اونا الّہ مل٘ ئنا برمتہ آن پد زیارت نا ایب کیب ئٹ آپریشن بناء کننگا۔

مشیر داخلہ بلوچستان نا پاننگ ئس کہ آپریشن ئٹ خلنگوک آتیان 5 ئنا پن بیگواہ تا لسٹ ئٹ ہم ارے ہرا کہ گواچن ئٹ دہشت گرد ئسر۔

زیارت تدینی ٹی شہید مروک بیگواہ شہزاد بلوچ نا خاہوت پریس کانفرنس کریسہ پارے کہ نن شہزاد بلوچ نا بیگواہی نا برخلاف برانز ہم ریکارڈ کرفینون۔ اوفتا پاننگ ئس کہ شہزاد بلوچ ءِ 4 جون آ موسیٰ کالونی نا ہند آن بیگواہ کننگاسس۔

اوفتا پاننگ ئس کہ شہزاد ءِ ایلو بیگواہ آ بندغ آ تون دروغ ئنا مونتس ئٹی شہید کننگانے، نن بُڑز ئنا کوالخواہ تیان خواست کینہ کہ ننے انصاف تننگ مرے و ننا برخلاف پروپیگنڈا کروکا تیا کاروائی کننگ مرے۔

دا تدینی آن گڈ تینا بندغ آتیکن جہد کروکا خاہوت آتا اُست ئٹ بیم و خُلیس اس ودی مس کہ اوفتا بندغ آک اندا وڑ دروغ ئنا مونتس آ تیٹ شہید کننگپس۔

تدینی نا بر خلاف بیگواہ آ بندغ آتا خاہوت آک، وائس فار بلوچ مسنگ پرسنز، نیشنل ڈیموکریٹک پارٹی، بلوچ یکجہتی کمیٹی تون اوار وزیر اعلیٰ و گورنر ہاؤس نا مونا برانز بناء کریر۔

برانز ئٹ خاہوت آک مُسہ خواست مونا تخار کہ زیارت تدینی آ جوڈیشل کمیشن ہڈ تننگ مرے، غٹ بیگواہ آ بندغ آتے پاش کننگ مرے و بیگواہ آ بندغ آتا خاہوت آتے یخین تننگ مرے کہ بیگواہ آ بندغ آتے دروغ ئنا مونتس آ تیٹ شہید کننگپرو۔

میڈیا تون تران کریسہ اوفتا پاننگ ئس کہ دا تدینی آن دا ہیت پاش مریک کہ بیگواہ مروکا بندغ آک فورسز آتا دزگیری ٹی ءُ، و اوفتا ساہک خطرہ ٹی ءُ۔

داڑان بیدس بلوچستان نا جتا شار تیٹ دا تدینی نا برخلاف برانز کننگا و پیشن ملک آ تیٹ بلوچ سیاسی باسک آک تینا برانز آتے ریکارڈ کرفیر۔

ایلو نیمہ غان حکومتی نمائندہ آک خاہوت آتا برانز ئنا رد ئٹ بیان تریسہ پاریر کہ ریاست بیدس ہُننگ آن کاروائی کپک، دا تدینی آن پد کارندہ آک تیوہ علاقہ ءِ گھیرہ کریسہ کاروائی کریر و ہرا دا تدینی نا ذمہ وار آک ئسر اوفتا برخلاف کاروائی کننگا۔

حکومتی ذمہ وار آتا نیمہ غان دُننگا بیان آتا زی آ خاہوت آک ڈکھ و فریشانی نا درشانی کریر و تینا برانز ءِ ہمو وخت اسکان برجاء تخنگ نا پڑو کریر ہرا وخت اسکان کہ حکومت نا کنڈ آن اوفتا خواست آتے پورو کننگ مفک۔

خاہوت آتا برانز ئٹ شابیتی:

تینا خواست آتا ایسری کن خاہوت آک تو ئسے آن زیات ریڈ زون ئٹ تولوک برانز کننگ ءُ۔ و حکومت نا نیمہ غان بے پامی نا سوب آن تینا برانز ءِ شابیتی تریسہ ءُ۔

برانز ئٹ راہشونی کروک سمی دین بلوچ تون اوار بیگواہ آصف و رشید نا ہیڑ، بیگواہ سعید نا لمّہ، بیگواہ راشد حسین نا لمّہ، بیگواہ شبیر بلوچ نا ہیڑ سیما بلوچ تون اوار ایلو بیگواہ آ بندغ آتا پنجا کچ خاہوت آک اوار ءُ۔

خاہوت آک زوراکی نا بیگواہی، زیارت آپریشن و دروغ ئنا مونتس نا بر خلاف تینا برانز ءِ شابیتی تریسہ 23 اگست آ کوئٹہ نا مُسہ جتا ہند آتیا کسر تے بند کریر ہرا نا سوب آن شار ئٹ اُلاخ آتا ہِن و بر سخت زیمی مس۔ ہراکان گڈ خاہوت آتے گپ و تران کریسہ برانز ءِ ایسر کننگا۔

تدوکا دے 2 ستمبر آ دوارہ برانز ءِ شابیتی تریسہ برانزیک صوبائی سیکٹریٹ نا خُڑک بھلو کچ اسیٹ مچ مریسہ جی پی او چوک و سرینا ہوٹل آ ہنوکا کسر تے بند کریر۔ برانزیک غاو کریر کہ حکومت و سول بست و بند اوفتا خواست آتیا عمل کننگ افس۔

برانزی تا غاو ءِ اسہ وڑ دے و نن مُد ئنا سختی و ترند پِر تا سوب آن جُگی تیٹ ساڑی خاہوت آک ناجوڑ مننگ ءُ، ولے ذمہ وار آتے احساس ذمہ داری اف ہرا نا سوب آن خاہوت آک دنو ترند ءُ گام ہرفنگ آ بیوس ءُ۔

ایلو نیمہ غان برانز ئنا وخت آ منَہ شاری خاہوت آتا ہڑاند آتے پرغنگ نا کوشست کریر ہراڑان گڈ برانز ئٹ ساڑی زالبول، نرینہ و چُناک اُلاخ آتا مون آ لیٹیسہ برانز کریر۔

برانزی تا پاننگ ئس کہ خاہوت آک اسہ دڑد و ڈکھ اس ہرفیسہ اومیت ئٹ کوئٹہ نا کسر تیا تولوک ءُ تاکہ اوفتا نمائندہ آک اوفتے بِنر ولے حکومت دا بابت ئٹ سوبر اف و ایلو کنڈ آن ننا شاریک ہم ننا زی ئٹ اُلاخ آتے دننگ نا کوشست کننگ ءُ۔

اوفتا پاننگ ئس کہ نن بیوسی ئٹ کسر تے بند کینہ و برانز کینہ کہ ذمہ وار آک ننا توار ءِ بِنر و سوبری ئٹ ننا ویل آتے ایسر کننگ نا کوشست کیر۔

بیگواہی تا بے ایسر مروکا لڑ:

اسہ کنڈ آن بیگواہ آ بندغ آتا خاہوت آک زوراکی نا بیگواہی تا برخلاف ہر تلہ غا جہد کننگ ءُ و ایلو نیمہ غان ریاست نا خف آ بوڈ اس ہم کُننگ اف، و بلوچستان ئٹ بیگواہی تا لڑ اسہ وڑ برجاء ءِ۔

کوئٹہ ٹی اسہ نیمہ غان خاہوت آک تولوک برانز کننگ ءُ و ایلو نیمہ غان بلوچستان نا جتا شار و کراچی آن بیگواہی تا کیس آک رپوٹ مننگ ءُ۔

تدوکا تو 26 اگست آ کراچی نا اردو بازار آن علم و ادب پبلشرز نا دوکان آن لالہ فہیم بلوچ ءِ پولیس نا پُچ آتون توفکی و سادہ پُچ بینوک بندغ آک تینتون دریر ہراکان گڈ اونا بابت ہچ ءُ حوال اس اف۔ خضدار آن سی و یک اگست نا شام ئنا 12 بجہ آن خڑک پاکستانی لشکر گدان ہوٹل آ چھاپہ خلیسہ اسہ بندغ ئسے دزگیر کریسہ بیگواہ کرے، ہرانا چاہنداری شفیق حیات نا پن آن مسونے۔

بلوچستان ئٹ سیاسی و چاگڑدی باسک آک بیگواہ آ بندغ آتا خاہوت آتیان خواست کریسہ بسنو کہ او تینا بیگواہ مروکا بندغ آتا کیس آتے رجسٹرڈ کیر و اوفتیکن میڈیا آ ہیت ہم  کیر تاکہ اوفتا بیگواہ آ بندغ آک دروغ ئنا مونتس آتا گواچی مفس ولے زیارت تدینی آن گڈ تینا بندغ آتیکن جہد کروکا خاہوت آتا اُست ئٹ ہم بیم و خُلیس ودی مسنے کہ اوفتا بندغ آک دروغ ئنا مونتس آتا گواچی کننگپس۔

ایلو پارہ غان بیگواہی و دروغ نا مونتس تیٹ خلنگ نا پالیسی برانز آتے شابیتی بشخنگ ءِ۔ ریاستی پالیسی بلوچ خلقت ءِ پریس کلب نا مون آن ریڈ زون ئٹ گورنر ماڑی نا مونا ایسنے ہرادے چاہندار آک ریاست نا پارہ غلط پالیسی تا نسخان پاننگ ءُ۔ چاہندار تا پاننگ ءِ ریاست بلوچستان ئٹ بے جاراتی تا ایسری کن تینا پالیسی تے بدل کے نہ خلقت نا بے جاراتی و سوختئیک زیات مریسہ ریاست کن نسخان نا سوب مننگ کیرہ۔

پُوسکنا حوالک

نن سر سہب مرون _ درناز رحیم

نن سر سہب مرون نوشت: درناز رحیم کنے اُرے تمنگ ئس، اینو کنا اکیڈمی نا اولیکو دے ئس و ای خواہتوٹہ...

ایران : مہسا امینی خون، پولیس و برانز کروک آتا جھڑپ آک، 50 بندغ مرگ نا گواچی

ایران ٹی حجاب وے کننگ آ دزگیر کروک مسڑ مہسا امینی نا خون آن گُڈ برجاء چک و تاڑ آتیٹ مرگ نا گواچی مروک آتا کچ 50 مس ۔  پولیس نا کریک ڈاؤن و بے دادی ٹی مرگ نا گواچی مروک آتا کچ 50 مس، مرگ نا گواچی مروک آتیٹ 5، سیکورٹی کارندہ ہم اوار ءِ۔  ہفت دے آن برجاء برانز آتا نیام ئٹ جتاء شار آتیٹ انٹرنیٹ کاریم بند ءِ و بے دادی آن زیات زیمی مروک علاقہ آتیٹ سیکورٹی کارندہ آتاکچ زیات کننگانے۔ ایران نا صدر ابراہیم رئیسی مہسا امینی نا خون نا سوب آتے چاننگ کِن پٹ و پول نا حکم تننگا ۔  ایرانی پولیس 22 سالہ مہسا امینی ءِ حجاب وے کننگ آ دزگیر کریسس و مُسہ دے آن گُڈ طبیعت نا خراب مننگ آ اسپتال آ دننگا ہراڑےاو 16 ستمبر آ مرگ نا گواچی مس، ایرانی پولیس مہسا امینی آ بے دادی کننگ نا دوبہ خلیسہ دعویٰ کریر کہ مہسا امینی ءِ اُست نادورہ مننگ نا سوب اسپتال آ دننگاسس ہراڑے او پدا جوان متو ۔  ایران پولیس نا دزگیری ٹی جتاء علاقہ آتیٹ برانز برجاء ءِ ہرانا وخت سیکیورٹی فورسز کارندہ آتا کریک ڈاؤن ٹی زیات بندغ مرگ ناگواچی مسونو ۔  ایلو پارہ غان بندغی حق آتا ادارہ ایرانی حکومت آ برانز نا برخلاف بے دادی تے توننگ کِن زور تِس۔ سی ایچ آر آئی اسہ بیان ئٹ پارےکہ حکومت نا پارہ غان برانز آ سُم کاری و آنسو گیس نا زریعت ئٹ پاش کننگ ءُ ۔ 

حب: روڈ شکست ٹی پنچ بندغ بیران و ٹپی

بلوچستان نا صنعتی شار حب چوکی ٹی مروک اسہ کسر  شکست ٹی اِرا بندغ بیران اندن مسٹ ٹپی مسونو ۔  کسر شکست حب چوکی نا علاقہ بھوانی نا ہند آ مس ۔ ہراڑے کار اُلاخ و ٹرک ئٹ دک لگا ۔  ذرائع تا ردئٹ کار اُلاخ ٹی مروک اسہ بندغ ئس ہمو وخت بیران مس ، اوکان گُڈ ٹپی مروک و جون آتے حب چوکی سول اسپتال آ دننگا ۔  یاتی مرے کہ بلوچستان ٹی مروک روڈ شکست آتیٹ دے پہ دے نا بنیات ئٹ بھاز آ بندغ آک ٹپی مریرہ ۔ تدوکا دے تیٹ کسر  شکست ٹیبلوچستان اسمبلی نا اسہ باسک ئس ہم اندا کسر  شکست آتیٹ بھاز ٹپی مسس ۔

کابل ٹی تراک، ہفت بندغ کسکر

افغانستان نا دارالحکومت کابل مسجد ٹی تراک آن ہفت بندغ مرگ نا گواچی و بھاز  بندغ ٹپی مسونو ۔ پیشن ملکی حوال تِروک ایجنسی نا...

مہسا امینی نا خون ، تیوہ ایران ٹی برانز برجاء

ایران ٹی پولیس نا دزگیری ٹی ورنا نیاڑی نا مرگ نا گواچی مننگ آ تیوہ ایران ٹی چارمیکو دے ہم برانز برجاء ءِ دا...