بلوچستان نا بنجائی شار کوئٹہ ٹی نادرست آ بندغ آک نیو سریاب پولیس تھانہ آ چغلی بمب اس چغل تریسہ نرار، ہرا ترند تراک ئٹترخا۔
کوالخواک تراک ءِ پک کریر ولے نسخان آتا بابت ئٹ ہچو شابیتی حوال تتوس۔
جلہو نا ذمہ واری ءِ بلوچ لبریشن آرمی ارفے۔ بلوچ لبریشن آرمی نا ترجمان جیئند بلوچ تینا بیان ءِ شینک کریسہ پارے کہ بی ایل اےکوئٹہ ٹی نیو سریاب پولیس تھانہ ءِ چغلی بمب ئٹ ٹک کننگ نا ذمہ واری ءِ ارفک و جلہو نا سوب آن دشمن لشکر ءِ جانی و مالی نسخانتون مون تروئی تمانے۔
یاتی مرے کہ تدوکا دے کوئٹہ ٹی سی ٹی ڈی کارندہ آتے سلاء بند بندغ آک جلہو ئٹ ٹک کریسر ہرا ٹی کوالخواک اِرا کارندہ نا ٹپی مننگءِ پک کریر و زہری ٹی لیویز تھانہ ءِ ہم تدوکا نن چغلی بمب جلہو ئٹ ٹک کننگاسس۔