برازیل ٹی صدارتی گچینکاری تیٹ چپ دو نا لولا ڈی سلوا کٹا۔
پیشن ملکی میڈیا نا رد ئٹ مسکوہی صدر لولا ڈی سلوا برجا صدر و راستیکو دو نا ٹولی آن تعلقداری تخوک بولسونارو نا بر خلاف 50 درسد آن زیات ووٹ دوئی کرے۔
بولسونارو برازیل نا 1985 آن گڈ دوارہ گچین مفروک آ اولی صدر ءِ۔ دا وخت اسکان گچینکاری تیٹ شکست ءِ نہ منوک آ بولسونارو نتیجہ تیان مالو باء تننگ نا سوب آن دروہ و چم ئنا دعوی کننگ نا پڑو کریسس۔
پوسکن گچین مروک صدر لولا ڈی سلوا 2003 آن 2010 اسکان برازیل نا صدر نا وڑ ئٹ بھاز #پِن کٹاسس۔ اودے پیسہ کُننگ نا دوبہ نا رد ئٹ 2017 ٹی 10 سال قید نا سزا تننگاسس و ہندا بنیات آ 2018 ٹی گچینکاری تیٹ بشخ ہلنگ آن توننگاسس۔
لولا ڈی سلوا ءِ صدر بولسونارو نا حکومت ٹی کرپشن نا دوبہ آتون مون تروئی تما۔
لولا ڈی سلوا ءِ برازیل نا سپریم کورٹ 2019 ٹی نظر بندی آن یلہ کننگ نا حکم تریسہ پاریسس کہ اودے جوان عدالتی کارروائی نا وخت تننگتو۔