ترک فضائیہ نا کُرد جنگجو تیا بمب جلہو، 12 بندغ بیران

الّمی خوانبو

ترکیہ ایران و شام ٹی کرد جنگجو تا سنگر تیا فضائی جلہو بناء کرے ہرانا سوب ٹی 12 بندغ بیران مسونو۔

پیشن ملکی حوال تِروک آتا ردئٹ ترکیہ نا پاننگ ئس کہ عراق و شمالی شام ٹی کردش جنگجو تا سنگر تیا فضائی نا بناء کننگانے انتئےکہ دا علاقہ استنبول ٹی تخریبی جلہو تیٹ کاریم ئٹ ہتِنگیسہ ءِ۔ ترکیہ فضائی آپریشن ءِکلا سورڈنا پِن تِننگانے ہرا تدوکا ہفتہاستنبول نا اختہ مروک مارکیٹ ٹی اسہ بمب جلہو آن گُڈ بناء کننگانے ۔

تدوکا ہفتہ استنبول نا اختہ مروک مارکیٹ ٹی بمب تراک ئٹ 6 بندغ مرگ نا گواچی و 81 ٹپی مسوسُر اندن ترکیہ نا حکومت دانا ذمہوار کردستان ورکرز پارٹی ءِ پِن کرینے ۔

وزیر رکھ ہلوسی اکار ایئر فورس آپریشن بنجاہ آن جنگی جہاز آتا رادہ مننگ آن مالو پاریسس کہنن داسا آن آپریشنکلا سورڈنا بناء کننگُن ۔

ترکیہ وزیر رکھ نا پاننگ ئس کہ فضائی جلہو تیان کردستان ورکرز پارٹی و کردش پیپلز پروٹیکشن یونٹس نا سنگر تے ٹِک کننگانے ۔

اوفتا پاننگ ءِ کہ اقوام متحدہ نا چارٹرز نا آرٹیکل 51 نا ردئٹ نن تینا رکھ نا حق ءِ تخیسہ عراق و شام نا شمال ٹی دا علاقہ آتیٹفضائی آپریشن کلاسورڈ بناء کرینن ہرا ننا ڈیہہ آ تخریب کار آتا جلہو کِن وتاخ نا وڑ ئٹ کاریم ئٹ ہتِنگیرہ ۔

ترکیہ نا حکومت استنبول ٹی پنچ سال آن گُڈ مروک زوت مروک بمب تراک نا ذمہ وار کردستان ورکرز پارٹی ءِ پن کرینے ہرا 2015 و2017 نا نیام ئٹ مروک جلہو نا یات آتے خازہ کرینے۔

واہم کردستان ورکرز پارٹی و کردش پیپلز پروٹیکشن یونٹس استنبول ٹی مروک بمب تراک نا دوبہ آتیان نمن ءُ اندن دائسکان اسہ ہم ٹولیئس دا جلہو نا ذمہ واری ءِ ارفتنے ۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...